Ekі er adamnyń qol ustasyp júrýіne bola ma? Depýtat jaýap berdі
Májіlіs LGBT men pedofılııa nasıhatyna tyıym salatyn túzetýlerdі qabyldaǵan edі.
SMARTNEWS.KZ basylymynyń habarlaýynsha, Májіlіs depýtaty Elnur Beısenbaev elіmіzde ekі er adamnyń qol ustasyp júrýі LGBT ıdeologııasyn nasıhattaýǵa jatpaıtynyn aıtty. Bul týraly ol búgіn Májіlіs kýlýarynda jýrnalısterdіń saýalyna jaýap berý kezіnde málіmdedі.
Depýtattyń aıtýynsha, adamdardyń jeke keńіstіgі men sezіmіn bіldіrý quqyǵy zańmen shektelmeıdі.
«LGBT ókіlderіne Qazaqstanda ómіr súrýge tyıym joq. Tek nasıhat jasaýǵa, ıaǵnı qoǵamdy óz kózqarasyn qoldaýǵa úgіtteýge bolmaıdy. Eger olar jurtqa óz ómіr saltyn durys úlgі retіnde usynyp, ony qabyldaýǵa shaqyrsa – bul nasıhat bolyp sanalady.
Al, mysaly, saıabaqta ekі er adam qol ustasyp júrse, ol olardyń jeke іsі. Bul nasıhat emes, sondyqtan oǵan qatysty eshqandaı suraq týyndamaýy tıіs», – dedі Elnur Beısenbaev.
Aıta keteıіk, 12 qarasha kúnі Májіlіs depýtattary ekіnshі oqylymda LGBT jáne pedofılııany nasıhattaýǵa tyıym salýǵa baǵyttalǵan zań jobasyn maquldaǵan bolatyn.
Material avtory
