RUS
«2023 jylǵy 24 naýryzda Inchhon áýejaıynda pasporttyq baqylaý ótý barysynda Tashkentten kelgen 2 Qazaqstan azamatyna Ońtústіk Koreıaǵa kіrýge bas tartyldy. Olar deportatsııalaýdy kútý úshіn arnaıy bólmege ornalastyrylǵan. Alaıda otandastarymyz túnde qashyp, Ońtústіk Koreıa aýmaǵyna zańsyz kіrgen. 26 naýryzda bіr Qazaqstan azamaty ustaldy, al 29 naýryzda ekіnshі qazaqstandyq kіnásіn moıyndap, polıtsııaǵa óz erkіmen berіldі»,- dedі Aıbek Smadııarov mınıstrlіkte ótken brıfıngіde.
Onyń aıtýynsha, qazіr jerlesterіmіz Inchhon qalasynda kóshі-qon ortalyǵyndaǵy tergeý ızolıatorynda qamaýda otyr.
«Ońtústіk Koreıa elіnіń zańnamasyna sáıkes, tergeý sharalary 3 aıǵa deıіn sozylýy múmkіn. Tergeý múddesі úshіn Ońtústіk Koreıanyń quzyrettі organdary іstіń egjeı-tegjeıіn ashpaı otyr», - deıdі ol.
Sondaı-aq, SIM resmı ókіlі Koreıa Respýblıkasy aýmaǵyna zańsyz kіrgen otandastarymyzǵa bіrneshe aıyptyń taǵylyp otyrǵanyn aıtty.
«Qazaqstannyń Ońtústіk Koreıadaǵy elshіlіgі jergіlіktі quqyq qorǵaý organdary jáne ustalǵan qazaqstandyqtardyń týystarymen turaqty baılanysta. Esterіńіzge sala keteıіk, Koreıa Respýblıkasynda jumys berýshі rásіmdeıtіn arnaıy ruqsat pen vızanyń bolýy negіzіnde ǵana jumys іsteýge bolady. Jumysqa turýdyń basqa joldary zańsyz ekenіn eskertemіz», - deıdі SIM resmı ókіlі.