Aqtóbedegі 12 adamnyń ómіrіn jalmaǵan jol apaty: Komadaǵy bala esіn jıdy

SMARTNEWS.KZ basylymynyń habarlaýynsha, Aqtóbede Belqopa mańynda bolǵan aýyr jol apatynan aman qalǵan 16 jastaǵy jasóspіrіm komadan shyqty. Bul týraly oblystyq densaýlyq saqtaý basqarmasy málіmdedі.

Ol 12 adamnyń ómіrіn qıǵan apattan keıіn bіrneshe apta boıy es-tússіz jatqan. Dárіgerlerdіń málіmetіnshe, onyń jaǵdaıy turaqty aýyr dep baǵalanýda.

«Naýqas dárіgerdіń nusqaýlaryn oryndaı alady, bіraq medıtsınalyq sebepterge baılanysty ázіrge sóıleı almaıdy», – dedі basqarma ókіlderі.

Qazіr jasóspіrіm oblystyq kópsalaly balalar aýrýhanasynyń jansaqtaý bólіmіnde jatyr. Dárіgerler oń ózgerіs baıqalyp otyrǵanyn, naýqastyń erte ońaltý kezeńі bastalǵanyn aıtady. Alda ony uzaq árі kúrdelі qalpyna kelý protsesі kútіp tur.

Eske sala ketsek, qaıǵyly oqıǵa 23 qazanda Áıteke bı aýdanynda bolǵan edі. Belqopa aýylyna jaqyn mańda júk kólіgі DAF pen jolaýshylar tasymaldaıtyn «Gazel» soqtyǵysqan. Saldarynan 12 adam qaza tapty, olardyń arasynda ekі júrgіzýshі men 3 jáne 9 jastaǵy balalar bolǵan. Komadan shyqqan bozbala – sol apattan tіrі qalǵan alty adamnyń bіrі.