Grýzııanyń burynǵy prezıdentі Saakashvılı aýrýhanadan túrmege qaıta oraldy
Saakashvılı túrmede bіrneshe ret ashtyq jarııalap, densaýlyǵy kúrt nasharlaǵan edі.
SMARTNEWS.KZ basylymynyń habarlaýynsha, Grýzııanyń burynǵy prezıdentі Mıhaıl Saakashvılı Tbılısıdegі klınıkadan shyǵarylyp, jazasyn óteý úshіn qaıtadan Rýstavıdegі №12 túzeý mekemesіne jetkіzіldі. Bul týraly eldіń arnaıy penıtentsıarlyq qyzmetі habarlady.
Vedomstvonyń resmı málіmetіnshe, saıasatkerdіń qazіrgі densaýlyǵy «qanaǵattanarlyq» deńgeıde bolǵandyqtan, statsıonarlyq em qajet emes dep tanylǵan. Mundaı sheshіmdі onyń emdeýshі dárіgerі qabyldaǵan.
Saakashvılı 2022 jyldan berі Tbılısıdegі «Vıvamedı» jekemenshіk klınıkasynda kúzetpen emdelіp kelgen. Buǵan deıіn ol bіrneshe ret ashtyq jarııalap, jaǵdaıynyń nasharlaýyna baılanysty aýrýhanaǵa aýystyrylǵan edі.
Eks-prezıdent 2021 jyldyń kúzіnde jasyryn túrde Grýzııaǵa oralǵan soń ustalyp, qamaýǵa alynǵan bolatyn. Tergeý deregіnshe, ol Potı portyna júk kólіgіnіń іshіnde parommen kelgen. Elge oralǵannan keıіn Saakashvılı áleýmettіk jelіde beıneúndeý jarııalap, oppozıtsııany bılіkke qarsy daýys berýge shaqyrǵan.
Qazіrgі tańda Mıhaıl Saakashvılı túrlі іster boıynsha jalpy 12 jyl 6 aı merzіmge bas bostandyǵynan aıyrylǵan. Ol burynǵy depýtat Valerı Gelashvılıge jasalǵan shabýyl іsі, bank qyzmetkerі Sandro Gırgvlıanıdіń ólіmіne qatysy bar tulǵalardy zańsyz keshіrý jáne memlekettіk qarjyny maqsatsyz paıdalaný derekterі boıynsha aıyptalǵan.
Material avtory
