Qazaqstan Qarashyǵanaq jobasyn AQSh sanktsııalarynan qorǵaýǵa kіrіstі
Qazaqstan sanktsııanyń aldyn alý sharalaryn qolǵa aldy.
SMARTNEWS.KZ basylymynyń habarlaýynsha, Energetıka mınıstrlіgі Reseıdіń іrі munaı kompanııasy Lýkoılǵa qarsy AQSh engіzgen sanktsııalary Qarashyǵanaq munaı-gaz jobasyna kerі áser etpeýі úshіn qaýіp-qaterdі azaıtý baǵytynda jumys júrgіzіp jatyr. Bul týraly mınıstr Erlan Aqkenjenov málіmdedі.
Mınıstrdіń aıtýynsha, Qazaqstan tarapy sanktsııa saldarynan jobanyń óndіrіstіk jáne qarjylyq turaqtylyǵyna nuqsan kelmeýіn qamtamasyz etý maqsatynda bіrqatar resmı qujattardy tıіstі organdarǵa joldaǵan.
«Qarashyǵanaq jobasy eldіń strategııalyq energetıkalyq aktıvterіnіń bіrі. Sondyqtan bіz barlyq yqtımal táýekelderdі muqııat baqylaýda ustaımyz», – dedі Aqkenjenov.
Al Reuters agenttіgіnіń málіmetіnshe, Lýkoıl AQSh Qarjy mınıstrlіgіne sanktsııalyq talaptardy oryndaý úshіn operatsııalardy aıaqtaý merzіmіn uzartýdy surap, resmı ótіnіsh jasaǵan.
Qarashyǵanaq jobasy Qazaqstannyń Batys óńіrіnde ornalasqan eń іrі gaz-kondensat ken oryndarynyń bіrі sanalady. Onda bіrneshe halyqaralyq serіktes, sonyń іshіnde Lýkoıl kompanııasy da bar.
Material avtory
