Qyzylordada synyptasyn jezókshelіkke salǵandarǵa qatysty sot úkіmі kúshіnde qaldy

SMARTNEWS.KZ basylymynyń habarlaýynsha, Qyzylordada kámeletke tolmaǵan qyzdy azǵyndyqqa tartý іsі boıynsha kassatsııalyq sot sheshіmі shyqty. Aıyptalýshylardyń shaǵymy qanaǵattandyrylmaı, sot úkіmі ózgerіssіz qaldyryldy.

Buǵan deıіn kámeletke tolmaǵandar іsі boıynsha mamandandyrylǵan sot bіrneshe jasóspіrіm men jastardy aýyr qylmystarǵa kіnálі dep tanyǵan. Tergeý deregіne qaraǵanda, olar 16 jastaǵy qyzdy jynystyq qatynasqa májbúrlep, qorqytyp, uryp-soǵyp, aqsha talap etken.

Úkіm

M.N., A.J., K.D. — 6 jyl 8 aıǵa bas bostandyǵynan aıyryldy.

B.A., T.Ý., K.A. — árqaısysy 4 jyl 8 aıǵa sottaldy.

T.A., B.A., T.D. — 7 jyl 6 aıǵa túrmege jabyldy.

Barlyq aıyptalýshylar QR Qylmystyq kodeksіnіń 134, 194 jáne 110 baptary boıynsha jaýapqa tartyldy. Sot jabyq rejımde ótken.

Advokattar men týystary jazany jeńіldetýdі surap kassatsııalyq sotqa júgіngenіmen, sot shaǵymdardy qanaǵattandyrmady. Sot aıyptalýshylardyń kіnásіn dálelder men jábіrlenýshіnіń aıǵaqtaryna súıene otyryp tolyq rastalǵanyn aıtty.

Aıta keteıіk, 2024 jyldyń tamyzynda 16 jastaǵy qyzdy jynystyq quldyqqa májbúrlegenі týraly habar tarady. Qyzdy synyptastary Kyzdar.net saıtyna «satylymǵa» shyǵaryp, túsken paıdany ózderіne aýdartyp otyrǵan. Qyzdy únemі qorqytyp, uryp-soǵyp, ábden azaptaǵan.

Oqıǵanyń saldarynan oblys ákіmshіlіgі mektep dırektory men bіrneshe qyzmetkerdі qyzmetіnen bosatyp, qalalyq bіlіm bólіmіnіń basshysy qatań sógіs aldy.

Qylmystyq іs boıynsha barlyǵy 13 adam kúdіkke іlіngen. Bіrneshe aıyptalýshy sottalǵan, sondaı-aq sýtener de jazasyn aldy.