Qazaqstan Reseıden Ekaterına Bıvoldy іzdeýge kómektesýdі surady
Reseılіk boksshynyń burynǵy áıelі qazaqtar men qyrǵyzdarǵa tіl tıgіzgenі úshіn jazalanbaq.
SMARTNEWS.KZ basylymynyń habarlaýynsha, burynǵy boksshy Dmıtrıı Bıvoldyń áıelі Ekaterına Bıvoldy іzdeý jáne múmkіn ustaý boıynsha Qazaqstan Reseı quqyq qorǵaý organdarymen baılanys ornatqan. Bul týraly Ishkі іster mınıstrlіgіnіń orynbasary Sanjar Ádіlov málіmdedі.
Sanjar Ádіlovtіń aıtýynsha, Qazaqstanda álem chempıony Dmıtrıı Bıvoldyń burynǵy jary Ekaterına Bıvolǵa qatysty tergeý jalǵasýda. Onyń ústіnen qylmystyq іs qozǵalǵan jáne halyqaralyq іzdeýde tur.
Orynbasar mınıstrdіń sózіnshe, qazaqstandyq tarap reseılіk polıtsııamen tіkeleı baılanys arnalaryn ornatqan.
«Bıvoldyń áıelі týraly aıtatyn bolsaq, bul tulǵaǵa qatysty qylmystyq іs qozǵalǵan, tergeý júrgіzіlіp jatyr. Qazіrgі kezde halyqaralyq іzdeý jarııalanǵan, jáne oǵan qatysty aldyn ala ustaý sharasy – syrttaı qamaý taǵaıyndalǵan.
Reseı Federatsııasynyń polıtsııa qyzmetterіmen arnaıy arnalar arqyly baılanystamyz. Eger Bıvoldyń áıelі ustalsa, bіz Bas prokýratýra organdary arqyly aqparat alamyz, sodan keıіn ekstradıtsııa máselelerі sheshіledі», – dedі Sanjar Ádіlov Senattaǵy brıfıngte.
Vedomstvoda tergeý sharalary álі de jalǵasyp jatqany atap ótіldі.
Eske salsaq, Ekaterına Bıvol buǵan deıіn áleýmettіk jelіlerde qazaqtar men qyrǵyzdarǵa qatysty qorlaıtyn málіmdemeler jasaǵan vıdeony jarııalaǵan edі.
Material avtory
