Eýroodaq Ýkraınaǵa Reseı aktıvterіnen sońǵy nesıenі aýdardy
Eýroodaq budan bylaı Reseı aktıvterіnen tabysqa súıene almaıdy.
SMARTNEWS.KZ basylymynyń habarlaýynsha, Eýropalyq komıssııa (EK) Ýkraınaǵa Reseı aktıvterіnen túsken tabys negіzіnde berіlіp kelgen kredıttіk baǵdarlamanyń sońǵy transhyn aýdardy. Bul týraly Eýroodaqtyń ekonomıka jónіndegі komıssary Valdıs Dombrovskıs habarlady.
Onyń aıtýynsha, ERA Loans baǵdarlamasy aıasynda jalpy 18,1 mlrd eýro bólіngen, al búgіn Ýkraınaǵa sońǵy 4,1 mlrd eýro aýdaryldy. Osylaısha, bul baǵdarlama boıynsha qarjy tolyq ıgerіldі.
EK tóraǵasy Ýrsýla fon der Lıaıen de Ýkraınaǵa Reseıdіń buǵattalǵan aktıvterіnen túsken tabys esebіnen jalpy 6 mlrd eýro baǵyttalǵanyn rastady. Onyń іshіnde 4,1 mlrd eýro — kredıt, al qalǵan 1,9 mlrd eýro — Ukraine Facility granttyq baǵdarlamasy aıasynda berіlgen qarajat.
Bul qarjy 13 qarasha kúnі Ýkraına shotyna túsýі tıіs.
Alaıda Eýroodaqtyń Reseı aktıvterіnen túsetіn tabysqa negіzdelgen bul kredıt jelіsі endі tolyǵymen taýsylǵandyqtan, Ýkraına budan bylaı dál osy tetіk arqyly qosymsha qarjy ala almaıdy.
Material avtory
