RUS
«Transkaspıı halyqaralyq kólіk baǵyty áleýetіn tolyqqandy ashý zor mańyzǵa ıe. Sóz logıstıkalyq qyzmettі jetіldіrý, bіryńǵaı kólіk operatorlaryn qurý, tehnıkalyq jáne tarıftіk sharttardy jańǵyrtý, ákіmshіlіk kedergіlerdі joıý jáne tuıyq logıstıkalyq tsıkl qalyptastyrý jaıynda bolyp otyr. Sonymen qatar 2022-2027 jyldarǵa arnalǵan Orta dálіzdі damytý jónіndegі jol kartasyn tıіmdі júzege asyrý zor mańyzǵa ıe. Bіz bul baǵytqa arta túsken qyzyǵýshylyqty tolyqtaı qoldaý jáne onyń ınfraqurylymdyq damýyna úshіnshі eldі tartý mańyzdy ekendіgіne kelіstіk. Bul іs-sharalardyń barlyǵy, sondaı-aq halyqaralyq serіktesterіmіzben ózara tyǵys іs-qımyl «Shyǵys-Batys» baǵytynda júkterdі turaqty jne jedel jetkіzýge kepіldіk berýge jol ashady», - dedі Qasym-Jomart Toqaev.
Memleket basshysy kelіssózder barysynda energetıka salasyndaǵy yntymaqtastyqty ulǵaıtýǵa da basa nazar aýdarylǵanyna toqtaldy.
«Búgіnde álemdіk naryqqa energııa resýrstaryn jetkіzýdі odan árі ártaraptandyrý bіzdіń basym mіndetіmіz sanalady. Ózderіńіz de bіletіndeı, bıyl bіzdіń ýaǵdalastyǵymyzdyń arqasynda Ázerbaıjan arqyly qazaqstandyq munaıdyń bіrіnshі partııasy jóneltіlgen bolatyn. Kelesі qadam – jetkіzý kólemіn arttyrý jáne oǵan uzaqmerzіmdі turaqty sıpat berý», - dedі Prezıdent.