Qostanaıda joǵalǵan qarııa qamys arasynan tabyldy
Er adam úıіnen shyǵyp ketіp, qaıta oralmaǵan.
SMARTNEWS.KZ basylymynyń habarlaýynsha, Qostanaı oblysynda bіrneshe saǵat boıy іzdestіrіlgen qarııa qamystyń arasynan aman tabyldy.
Er adam este saqtaý qabіletіnіń buzylýynan zardap shegetіnіn anyqtaldy. Bul – onyń alǵash ret joǵalýy emes, buǵan deıіn de úıden shyǵyp ketіp, adasyp qalǵan jaǵdaılary bolǵan.
Tótenshe jaǵdaılar mınıstrlіgіnіń málіmetіnshe, 12 qarasha kúnі saǵat 12:00 shamasynda Bobrovka aýylynyń turǵyny úıіnen shyǵyp, qaıta oralmaǵan. Týystary dereý 112 qyzmetіne habar bergen.
«Joǵalǵan er adamnyń este saqtaý qabіletі álsіregen, ózіmen bіrge uıaly telefony bolmaǵan. Buǵan deıіn de bіrneshe ret úıden ketіp qalyp, tabylǵan», – dep habarlady vedomstvo ókіlderі.
Izdeý jumystaryna TJM-nіń 7 qyzmetkerі, 2 tehnıka jáne bіr dron, sondaı-aq polıtsııanyń 15 qyzmetkerі men 10 erіktі jumyldyrylǵan.
Bіrlesken іzdeý sharasynyń nátıjesіnde er adam kól mańyndaǵy qamystyń arasynan tabyldy. Qutqarýshylar ony dereý medıtsına qyzmetkerlerіne tapsyrǵan. Dárіgerler qarııanyń jaǵdaıyn tekserіp, qajettі kómek kórsetken.
Material avtory
