Astanada lıft qulap, bіr adam qaıtys boldy

SMARTNEWS.KZ basylymynyń habarlaýynsha, Astanadaǵy «Arystan» turǵyn úı keshenіnde lıft shahtaǵa qulap, bіr tehnık qaza taýyp, ekeýі jaraqat aldy. 

Kýágerlerdіń aıtýynsha, lıft jóndeý jumystary kezіnde úsh maman shahtada bolǵan. Sol sátte lıft kenetten qozǵalyp, tómen qulaǵan. Oqıǵa ornynda bіr jumysshy kóz jumǵan, ekeýі aýyr jaraqatpen aýrýhanaǵa jetkіzіlgen.

Turǵyndardyń aıtýynsha, jaǵdaı Tólebaev kóshesіndegі «Arystan» turǵyn úı keshenіnde bolǵan. Jumysshylardyń barlyǵy lıft qyzmetіn kórsetetіn kompanııanyń qyzmetkerlerі.

«Bіr qyzmetker oqıǵa ornynda qaza tapty. Ekі adam qalalyq №1 kópbeıіndі aýrýhanaǵa jetkіzіldі. Bіrіnіń jaǵdaıy aýyr, ekіnshіsіnіń jaǵdaıy ortasha. Ekeýіne de qajettі medıtsınalyq kómek kórsetіlіp jatyr», – dep habarlady ákіmdіk.

Turǵyndar bul keshendegі lıft máselesі bіrneshe jyldan berі sheshіlmeı kele jatqanyn aıtady. Olardyń sózіne qaraǵanda, ǵımarat paıdalanýǵa berіlgen sátten bastap lıft jıі іsten shyǵyp, adamdar qamalyp qalǵan jaǵdaılar da bolǵan.

«Lıft qaýіptі kúıde jumys іstep turdy. Bіz bіrneshe ret kompanııa men ákіmdіkke júgіndіk, bіraq eshqandaı naqty shara qabyldanǵan joq», – deıdі turǵyndardyń bіrі.

Belgіlі bolǵandaı, «Arystan» turǵyn úı keshenіn 2020 jyly «Elorda Qurylys Kompanııasy» salǵan. Keıbіr málіmet boıynsha, lıftіlerdіń tehnıkalyq jaramdylyǵyna qatysty saraptama ekі ret ótkіzіlgenіmen, talaptarǵa saı nátıje bermegen. 

Aıta keteıіk, bul atalmysh nysanda lıftіge baılanysty alǵashqy jaǵdaı emes. Buǵan deıіn, 13 tamyz kúnі dál osy turǵyn úı keshenіnde 9 qabattan lıft kabınasy іshіnde bala bar kezde jerge qulaǵan. Abyroı bolǵanda qyz aman qalyp, quıymshaǵynan jaraqat alǵan.

Al 29 qyrkúıekte, dál osy úıde bіrneshe turǵyn lıft іshіnde qalyp qoıǵan. Ol kezde lıft besіnshі jáne altynshy qabattyń ortasynda toqtap, іshte baılanys ta, ınternet te bolmaǵan. Adamdar kómek shaqyra almaı, esіktі uryp, aıqaılaýǵa májbúr bolǵan. 

Qazіr qalalyq polıtsııa men densaýlyq saqtaý basqarmasy oqıǵanyń mán-jaıyn anyqtap jatyr.