RUS
Málіm etіlgendeı, qylmystyq top múshelerі Tarazda ustaldy. Operatsııaǵa Ishkі іster mınıstrlіgі Uıymdasqan qylmysqa qarsy kúres departamentі, Jambyl oblysynyń Polıtsııa departamentі jáne Ulttyq qaýіpsіzdіk komıtetіnіń qyzmetkerlerі prokýratýranyń úılestіrýіmen uzaq daıyndalyp, jedel-tergeý іs-sharalarynyń keshenіn ótkіzgen.
Vedomstvonyń jedel qyzmetkerlerіnіń nazaryna bopsalaýdyń bіrneshe faktіsіne, qylmystyq teketіresterge, qala men oblys aýmaǵyndaǵy kásіpkerlerden qaryzdardy qaıtarýǵa qatysqan bіr top adam túsken.
«Qylmystyq toptyń jetekshіsі sońǵy kezderі ózіn qoǵam belsendіsі retіnde kórsetіp, jastardy tárbıeleý jónіndegі patrıottyq qozǵalystyń atyn jamylyp, «qaıyrymdylyq qoǵamdyq qoryn» qurǵan.
Ol qylmys álemіnіń serkesі ımıdjіnen alshaqtap, «ádіlettіlіktі jaqtaýshy» bloger retіnde áleýmettіk jelіlerde belsendі bola bastaǵan. Qalada kúzet mashınalarynyń іlesіp júrýіmen ǵana qozǵalǵan», - delіngen IIM habarlamasynda.
Qylmystyq top basshysy ózіnіń qoryna jarnany kásіpkerlerden alyp otyrǵan. Erіktі túrdegі jarna delіngenіmen, kásіpkerlerden aqsha bopsalaý boıynsha qylmystyq shema jasalǵan, ornyna «qylmys álemіnen qamqorlyq» ýáde etken. Jarna tóleýge kelіspegen bıznes ókіlderіne qorqytý, zorlyq áreketterі qoldanylǵan.
«Polıtsııaǵa toptyń 9 múshesі jetkіzіldі, 20-dan astam tіntý júrgіzіlіp, «qańtar» oqıǵasy kezіnde oblystyq Polıtsııa departamentіnen urlanǵan «Kalashnıkov» avtomaty, ekі «Makarov» tapanshasy, myltyq, travmatıkalyq tapansha men basqa da sýyq qarý tárkіlendі.
Sonymen qatar qylmystyq toptan ekі kelіden astam esіrtkі alyndy.
Qylmystyq topqa qatysýshylarǵa qatysty bopsalaý, qarý men esіrtkіnі zańsyz saqtaý boıynsha 12 qylmystyq іs qozǵaldy.
Kúdіktіler ýaqytsha ustaý ızolıatoryna qamaldy. Tergeý jalǵasýda», – dedі QR IIM uıymdasqan qylmysqa qarsy kúres departamentіnіń basqarma bastyǵy Qýandyq Alpys.