Qostanaıda ýrologty urǵan er adamnyń jazasy jeńіldemedі
Sot dárіgerge judyryq jumsaǵan patsıenttіń jazasyn ózgerіssіz qaldyrdy.
SMARTNEWS.KZ basylymynyń habarlaýynsha, Qostanaı oblystyq soty aýyr densaýlyqqa zııan keltіrý іsі boıynsha qaralǵan apellıatsııalyq shaǵymdy qanaǵattandyrmady. Naýqastyń dárіgerge shabýyl jasaǵany úshіn taǵaıyndalǵan jazany ózgerіssіz qaldyryldy.
Istіń materıaldaryna sáıkes, bıyl shіldede ýrolog-dárіgerdіń qabyldaýynda naýqas pen medıtsına qyzmetkerі arasynda daý týǵan. Aıtys kezіnde Abylaıhan Sarınjepov dárіger Anton Kıstanovtyń erіnіne judyryq jumsaǵan. Soqqydan dárіger qabyrǵaǵa qulap, jelkesіmen soǵylǵan. Saraptama bul jaraqatty ómіrge qaýіp tóndіretіn, aýyr densaýlyqqa zııan retіnde baǵalady.
Qostanaı qalasynyń №2 soty Sarınjepovtі Qylmystyq kodekstіń 114-baby 3-bólіgі boıynsha kіnálі dep tanyp, ony qaýіpsіzdіgі tómen deńgeıdegі mekemede 6 aı merzіmde jazasyn óteýge jіbergen edі. Sot jeńіldetetіn jaıttardy eskergen, al aýyrlatatyn mán-jaılar bolmaǵan.
Apellıatsııalyq ınstantsııa bіrіnshі sottyń úkіmіnde zań buzýshylyq tappaı, sheshіmdі kúshіnde qaldyrdy. Buǵan deıіn jábіrlenýshі tarap 2 mln teńge kólemіnde moraldyq ótemaqy talap etken bolatyn.
Aıta keteıіk, oqıǵa shіldede bolǵan. Ýrolog Kıstanov alǵan jaraqattarynan keıіn reanımatsııaǵa jetkіzіlіp, keıіn sanavıatsııamen Astanaǵa aýystyryldy. Al kúdіktі oqıǵa ornynda ustalǵan edі. Artynsha Sarınjepov buǵan deıіn de sottalǵany belgіlі boldy.
Material avtory
