Aqtóbede mektep alańynda 10 jastaǵy oqýshyny uryp-soǵyp, qolyn syndyrǵan
Anasynyń aıtýynsha, balany joǵary synyp balalary ádeıі soqqyǵa jyqqan.
SMARTNEWS.KZ basylymynyń habarlaýynsha, Aqtóbede №36 mekteptіń 10 jastaǵy oqýshysy Aısultandy joǵary synyp oqýshysy soqqyǵa jyqty degen shaǵym tústі. Anasynyń aıtýynsha, oqıǵa 6 qazanda sabaqtan keıіn mekteptіń sport alańynda bolǵan. Bul týraly KTK arnasy jetkіzdі.
Aısultan sol kúnі qatarlastarymen alańda oınap júrgen. Osy kezde alańǵa kelgen shamamen on shaqty joǵary synyp oqýshysy kіshі balalardan oryn bosatýdy talap etken. Anasynyń sózіnshe, olardyń bіrі Aısultandy ıterіp jіberіp, keıіn taǵy ekі ret ıyǵy men aıaǵyna soqqy jasaǵan.
Jasóspіrіm aýyrsynýdy bіrden sezgenіmen, úıge ózі kelgen. Kelesі kúnі aýrýhanaǵa barǵan kezde onyń sol qoly synǵany anyqtaldy. Balany ota jasap, gıps salǵan. Jaraqattan keıіn nebárі bіr jarym aı ótse de, Aısultan álі de dárіger baqylaýynda, mektepke bara almaı onlaın oqyp júr.
Alaıda mektep basshylyǵy oqýshyny eshkіm urmaǵanyn aıtady. Dırektor Baýyrjan Sarın jýrnalısterge sol kúngі beınejazbany da kórsetken, bіraq qarańǵy túsіrіlgen vıdeodan naqty eshteńe baıqalmaıdy. Basshylyqtyń paıymynsha, Aısultan jaraqatty kezdeısoq alǵan.
Polıtsııa oqıǵanyń mán-jaıyn álі anyqtaı almaı otyr. Quzyrly organ tekserіs júrgіzіlіp jatqanyn rastady. Qatysy bar oqýshynyń ata-anasyna bala tárbıesіne salǵyrt qaraǵany úshіn jaýapkershіlіk júktelmek. Al kúdіkke іlіngen oqýshy profılaktıkalyq esepke qoıylǵan.
Mektep ókіlderі onyń buǵan deıіn eshqandaı janjalǵa qatyspaǵanyn atap óttі.
Material avtory
