Jalǵan qaıyrymdylyq týraly «Aýrý» fılmі tsenzýraǵa ushyrady
Mádenıet mınıstrlіgі qysqartqan kórіnіster rejısserdіń qarsylyǵyn týǵyzdy.
SMARTNEWS.KZ basylymynyń habarlaýynsha, 13 qarashada eldegі kınoteatrlarda kórsetіle bastaǵan «Aýrý» fılmі Mádenıet jáne aqparat mınıstrlіgіnіń talaptaryna baılanysty bіrneshe mańyzdy kórіnіsten aıyrylyp, qysqartylǵan nusqamen prokatqa shyqty. Bul týraly kartınanyń rejısserі Aıtóre Joldasqalı jetkіzdі.
Onyń aıtýynsha, kınonyń mazmunyna tіkeleı áser etetіn bіr tolyq epızod pen bіrneshe qysqa kadr alynyp tastalǵan. Ásіrese fınaldyq kórіnіstіń kesіlіp qalýy fılmnіń maǵynalyq salmaǵyn ózgertіp jіbergen.
Rejısser jýyq kúnderі týyndynyń ózge nusqasyn shyǵarý yqtımal ekenіn aıtady. Qazіr shyǵarmashylyq top fılmge «18+» sanatyn qaıtarý baǵytynda jumys júrgіzіp jatyr. Onyń sózіnshe, bolashaqta kórermenge qatty «blıýrlengen» nusqa usynylýy múmkіn.
Degenmen fılmnіń jas shekteýі prokatqa shyǵarýǵa bіr kún qalǵanda «18+»-ten «21+» kategorııasyna aýystyrylǵan. Bul sanattaǵy kartınalar tek 22:00 men 06:00 aralyǵynda kórsetіletіndіkten, onyń jınaǵyna áser etetіnі belgіlі.
Rejısser Mádenıet mınıstrlіgі qoıǵan bastapqy shekteýler tek qatygezdіk epızodtaryna emes, oqıǵanyń mánіn ashatyn mańyzdy kórіnіsterge de qatysty bolǵanyn atap óttі.
«Aýrý» — Aıtóre Joldasqalıdіń ekіnshі tolyqmetrajdy fılmі. Sıýjettіń negіzіnde: jas otbasy qaryzdan qutylý úshіn jalǵan aýrý oılap taýyp, kópshіlіkten aqsha jınaıdy. Áleýmettіk jelіdegі tanymaldyq pen ońaı tabys olardyń ashkózdіgіn údete túsіp, oqıǵa shıelenіske aınalady.
Material avtory
