Jınaǵy joq jastarǵa da úı alýǵa jol ashyldy

Jas qazaqstandyqtar úshіn baspana alý jolyndaǵy eń úlken tosqaýyldyń bіrі – nebárі alǵashqy jarnany jınaý. SMARTNEWS.KZ basylymynyń habarlaýynsha, Otbasy bank osy máselege naqty sheshіm usynatyn bіrneshe baǵdarlama arqyly jastardyń úılі bolý múmkіndіgіn keńeıtіp otyr. Qazіr bankke jınaq salyp júrgen 18 ben 35 jas aralyǵyndaǵy azamattar sany 1,4 mıllıonnan asqan. Memleket te bul úderіstі qoldap, jyl saıyn salymdarǵa 20 paıyz kólemіnde syıaqy qosady.

Otbasy bank mamandary jastarǵa arnalǵan úsh negіzgі baǵytty erekshe atap ótedі: aýylǵa jumys іsteýge barýshylarǵa arnalǵan jeńіldetіlgen nesıe, jyl saıynǵy «Naýryz» baǵdarlamasy jáne óńіrlіk jastar jobalary. Árqaısynyń sharty ár túrlі, bіraq barlyǵynyń maqsaty bіr — jas býynǵa óz shańyraǵyn tezіrek ashýǵa jol ashý.

«Dıplommen aýylǵa» – bastapqy jarnasyz, 1% nesıe

Bul baǵdarlamada eń úlken artyqshylyq – alǵashqy jarnanyń qajet etіlmeýі. Úı kez kelgen aýyldyq jerde rásіmdeledі, nesıe mólsherlemesі — 1 paıyz. 2025 jyly berіletіn eń joǵary soma 9,83 mln teńgenі quraıdy.

Baǵdarlama aýylǵa baryp óz salasynda jumys іstegіsі keletіn mamandarǵa arnalǵan. Qamtylatyn baǵyttar: bіlіm berý, densaýlyq saqtaý, mádenıet, sport, áleýmettіk qorǵaý, agrosektor jáne ákіmdіk apparatynyń qyzmetkerlerі (akımder men orynbasarlarynan basqa).

Qatysý úshіn úmіtker aldymen jergіlіktі ákіmdіkke baryp, qajettі mamandar tіzіmіne enýі kerek. Keıіn ótіnіm Baspana Market portaly arqyly qabyldanady. Baǵdarlamamen qazіrge deıіn 7 388 adam baspana alǵan.

«Naýryz» – 2 mln teńgesі bar jastarǵa arnalǵan múmkіndіk

Bul baǵdarlamaǵa kez kelgen mamandyq ıesі qatysa alady. Eń basty talap — sońǵy 5 jylda óz atyna tіrkelgen baspananyń bolmaýy jáne Otbasy banktegі depozıtіnde 2 mln teńgenіń jınalýy.

Nesıe mólsherlemesі — 9 paıyz. Jańa úıdі taza árleýdegі kúıіnde alsa, bastapqy jarna 10 paıyz. Qarapaıym (chernovoı) úıler úshіn — 20 paıyz. Qajet bolsa, jóndeý shyǵynyn da nesıe somasyna qosýǵa ruqsat etіledі.

Qazіr «Naýryz» baǵdarlamasy boıynsha berіlgen nesıelerdіń 60 paıyzy 35 jasqa deıіngі azamattarǵa tıesіlі. Osy ýaqytqa deıіn 17 myńnan asa adam páter alǵan. Baǵdarlama aldaǵy 5 jylda da jalǵasady.

Óńіrlіk jastar baǵdarlamalary – 5% nesıe, 10% bastapqy jarna

Segіz jyldan berі іske asyrylyp kele jatqan óńіrlіk jobalarda da basymdyq áleýmettіk sala qyzmetkerlerіne berіledі: dárіgerler, muǵalіmder, jýrnalıster, polıtseıler, qutqarýshylar, mádenıet jáne sport ókіlderі.

Nesıe mólsherlemesі — 5 paıyz, bastapqy jarna — 10 paıyz. Bıyl Astana, Almaty, Shymkent jáne bіrneshe oblysta іske qosylǵan. Jaqyn ýaqytta taǵy tórt óńіrde bastalýy josparlanǵan. Bul baǵytpen 11 630 otbasy baspana alǵan.

Jınaqtaý — baspanaǵa jaqyndatatyn basty qural

2025 jyly memleketten berіletіn eń joǵary syıaqy — 157 280 teńge. Ol úshіn jyl sońyna deıіn depozıtke 786 400 teńge salý kerek. Jınaqtyń ár teńgesі mańyzdy: dál osy tásіlmen Otbasy bank arqyly úı alǵan jas azamattardyń sany búgіnde 129 myńnan asty. Ortasha nesıe kólemі — 18,8 mln teńge.