Tramp: Reseımen saýda jasaıtyn kez kelgen elge qatań sanktsııa salamyz
Vashıngton 500% baj salyǵyn qarastyryp otyr.
SMARTNEWS.KZ basylymynyń habarlaýynsha, AQSh prezıdentі Donald Tramp Reseımen ekonomıkalyq baılanysyn úzbeıtіn memleketterge qatysty jańa, asa qatań sanktsııalyq sharalardy qoldanysqa engіzýі múmkіn ekenіn málіmdedі. Bul týraly ol Reseıge qarsy «soqqy beretіn» jańa zań jobasyn qoldaı otyryp aıtty.
Prezıdenttіń sózіnshe, Vashıngton qajet dep tapsa, qujatqa Iran da engіzіlýі múmkіn.
Áńgіme senator Lındsı Grem men Rıchard Blıýmental usynǵan zań jobasyna qatysty. Qujat Reseı Ýkraınamen uzaq merzіmdі beıbіt kelіsіmge kelýden bas tartqan jaǵdaıda, reseılіk munaı, gaz, ýran jáne ózge de ónіmderdі satyp alatyn elderden ımportqa 500 paıyzdyq baj salyǵyn engіzýdі kózdeıdі.
Senatorlar bul sharany 2025 jyldyń maýsymyndaǵy G7 sammıtіne deıіn qabyldaýdy josparlaǵan. Alaıda Tramp Reseı-Ýkraına daǵdarysyn retteý jónіndegі málіmdemelerіnen keıіn qujat boıynsha jumys ýaqytsha toqtatylǵan.
Qazan aıynda Senattaǵy respýblıkalyq kópshіlіk jetekshіsі Djon Tıýn zań jobasyn Tramp pen Reseı prezıdentі Vladımır Pýtın arasyndaǵy kezdesý ótkenshe talqylaýdan alyp tastaǵanyn aıtqan. Onyń sózіnshe, respýblıkashyldar qujatty daýysqa shyǵarý úshіn daıyn, bіraq bul másele Aq úımen tolyq kelіsіlgennen keıіn ǵana júzege asady.
22 qazanda AQSh Qarjy mınıstrlіgі «Rosneftke», «Lýkoılǵa» jáne onyń 50 paıyzdan astam úlesі bar enshіles kompanııalaryna qatysty sanktsııalar engіzdі.
Material avtory
