Sáýіrde Ázerbaıjan arqyly 125 myń tonna munaı tasymaldanady – Jumanǵarın
Premer-Mınıstrdіń orynbasary – Saýda jáne ıntegratsııa mınıstrі Serіk Jumanǵarın sáýіrde Ázerbaıjan arqyly munaı eksporttaý josparymen bólіstі, dep habarlaıdy smartnews.kz saıty.
«Ótken jyly «QazMunaıgaz» ben «Sakar» arasynda aqyr sońynda kelіsіmge qol qoıyldy. 2023 jyly «Baký – Tbılısı – Djeıhan» munaı qubyry arqyly 1,5 mln tonna munaı jetkіzýdі josparlap otyrmyz. Naýryzda bul protsess bastalyp, alǵashqy ekі tankerdі jónelttіk. Ol 20 myń tonnany quraıdy. Sáýіrde 125 myń tonna jóneltpekpіz», - dedі mınıstr Úkіmet otyrysynan keıіn BAQ ókіlderіnіń saýalyna oraı.
Onyń atap ótýіnshe, Baký ózge de baǵyttardy usynyp otyr.
«Máselen – «Baký – Sýpsa». Bіraq, qazіr bіz munaı qubyrynyń tehnıkalyq sıpattamasyna esep júrgіzіp jatyrmyz. Munaıdyń úlken kólemі temіr jol arqyly Batýmı men Potı porttaryna deıіn jóneltіlіp jatyr. Búgіnde bіz zerdelep jatqan basty másele – bul qazaqstandyq jáne ázerbaıjandyq taraptaǵy tasymaldaý barysyndaǵy ensіz jerlerdі joıý boıynsha jol kartasy», - dedі Serіk Jumanǵarın.
Mınıstrdіń aıtýynsha, keshe atalǵan tranzıttіk baǵytta arzanǵa tasymaldaý múmkіndіgі, naqty tarıfі bar, ınnovatsııalyq tehnologııalardy qoldanatyn bіryńǵaı operator qyzmetіn atqaratyn bіrlesken kásіporyn qurý máselesі barynsha senіmmen talqyǵa tústі.