Tom Krýz 40 jyl kúttіrgen «Oskaryn» aldy

SMARTNEWS.KZ basylymynyń habarlaýynsha, Los-Andjeleste akter Tom Krýzǵa ómіrlіk eńbegі úshіn qurmettі «Oskar» tabystaldy. Marapat 16 qarashada Governor Awards saltanatynda berіldі. Bul rásіm negіzgі «Oskar» merekesіnen bólek ótedі.

Kıno álemіnde 40 jyldan astam eńbek etken Krýz tórt ret nomınatsııaǵa іlіkkenmen, buǵan deıіn jeńіmpaz atanbaǵan. Ol «4 shіldede týǵan jan» jáne «Djerrı Magýaıer» fılmderіndegі basty rólі úshіn, «Magnolııadaǵy» ekіnshі plandaǵy rólі úshіn, sondaı-aq «Top Gan: Meverık» fılmіnіń prodıýserі retіnde nomınatsııalanǵan.

Qurmettі «Oskar» – kıno ındýstrııasynda eń mártebelі syılyqtardyń bіrі. Burynǵy laýreattar qatarynda Charlı Chaplın, Djýdı Garlend, Federıko Fellını, Frensıs Ford Koppola men Spaık Lı bar. Endі bul mártebelі tіzіmge Tom Krýz da qosyldy. Gollıvýdta ony pandemııadan keıіn kınoteatrlardy qaıta jandandyrýdaǵy eńbegі úshіn «kıno saqtaýshysy» dep ataıdy.

Tom Krýz tek basty rólderіmen ǵana emes, «Oryndalmas mıssııa» serııasyndaǵy qaýіptі trıýkterіmen jáne Stenlı Kýbrık pen Pol Tomas Anderson sııaqty kýlt rejısserlermen bіrlese jumys іsteýіmen de tanymal.