Kókshetaýda muzǵa qulap ketken úsh balany qutqaryp alǵan adam іzdestіrіlіp jatyr
Qutqarýshy beıtanys adam tabylǵan jaǵdaıda marapattalmaq.
SMARTNEWS.KZ basylymynyń habarlaýynsha, Kókshetaýda Qylshaqty ózenіnіń juqa muzynda oınaǵan úsh bala sýǵa batyp kete jazdady. Qaýіptі jaǵdaıdy baıqap qalǵan beıtanys er adam balalardy óz qolymen shyǵaryp, olardy jedel járdem brıgadasyna tabystaǵan. Bul týraly Aqmola oblystyq TJD málіmdedі.
Vedomstvonyń deregіnshe, 2016, 2017 jáne 2018 jyly týǵan balalardyń oıyny sekýnd іshіnde tótenshe jaǵdaıǵa aınalǵan. Kórgen kýáger dereý áreket etіp, úsheýіn de aman alyp qalǵan.
Balalar orta dárejelі úsіk belgіlerіmen oblystyq kópbeıіndі balalar aýrýhanasyna jetkіzіldі. Tekserіsten keıіn dárіgerler olardy úılerіne ambýlatorııalyq emge jіberdі.
TJD qutqarýshyny tabýǵa kіrіsіp, ony memlekettіk nagradaǵa usynýdy josparlap otyr.
Sonymen qatar vedomstvo turǵyndardyń eskertýge qaramastan, juqa muzǵa shyǵýyn jalǵastyryp otyrǵanyn atap óttі. Sońǵy tórt kúnde qatpaǵan muzǵa shyqqany úshіn 35 adamǵa ákіmshіlіk aıyppul salynǵan.
Oblysta jaǵdaı ýshyǵyp tur: jaqynda Shortandy aýdanynda alǵashqy muzǵa shyqqan 70 jastaǵy balyqshy sýǵa qulap, kóz jumdy. Onyń denesіn súńgýіrler іzdep tapty.
Material avtory
