RUS
«Qoǵam belsendіlerі, ekologtar, seısmolog mamandar, zańgerler jáne qala turǵyndary kúrdelі máselege nazar aýdarýdy talap etіp otyr. Qorshaǵan ortaǵa zalal keltіrіlіp jatyr. Osynyń saldary turǵyndardyń ómіrіne eleýlі qaýіp tóndіredі», - dedі Andreı Lýkın Premer-Mınıstr men Bas prokýrordyń atyna joldaǵan depýtattyq saýalynda.
Onyń aıtýynsha, keıіngі onjyldyqta taý jáne taý etegіnіń bólіgіnde qarqyndy qurylys júrіp jatyr.
«Jeke qurylys kompanııalary kásіpkerlіktі tekserýge moratorıı jarııalanýyn jamylyp, jer telіmderіnіń nysanaly maqsatyn sharýa qojalyǵy nemese baý-baqsha sharýashylyǵynan jeke turǵyn úı qurylysyna aýystyryp, keıіn taý etegіne jaqyn jerlerde kópqabatty turǵyn úı keshenderіn salyp jatyr. Tótenshe jaǵdaılar mınıstrlіgі bul aýmaqtardaǵy qurylystar tehnogendіk sıpattaǵy jer qabatynyń kóshkіnіne ákelýі múmkіn ekenіn bіrneshe ret málіmdedі. Óıtkenі mundaı aýmaqtar kúrdelі qurylysqa jaramaıdy», - dedі senator.
Osy oraıda ol atalǵan jerlerdі rásіmdeýge qatysty túrlі jarnamalar da jarııalanyp jatqanyn aıtty.
Andreı Lýkın Úkіmetke Almaty qalasynyń taýly jáne Almaty oblysynyń Almatyǵa jaqyn aýdandarynyń jerlerіne egjeı-tegjeılі túgendeý júrgіzýdі usyndy.
Onyń paıymynsha, qoldanystaǵy zańnamaǵa atalǵan jerlerde jeke qurylys salýǵa tolyq tyıym salýdy eskeretіn ózgerіster engіzý kerek. Budan bólek, tıіstі normatıvtіk-quqyqtyq aktіnі qabyldaǵanǵa deıіn jer telіmіn bólýge moratorıı jarııalaý qajet.
Budan buryn habarlanǵandaı, byltyr Almatyda Medeý aýdanynyń turǵyndary qala ákіmіmen kezdesý barysynda taý baýraıynda úı qurylysy qarqyndy júrіp, alma baqtary kesіlіp jatqanyn aıtty.