Taldyqorǵanda 16 jastaǵy jasóspіrіm polıtsııadan qashyp, ustaldy
Júrgіzýshі kýálіgі joq jasóspіrіm qolǵa tústі.
SMARTNEWS.KZ basylymynyń habarlaýynsha, Taldyqorǵanda túngі reıd kezіnde Mitsubishi Pajero kólіgіnіń júrgіzýshіsі polıtsııa talabyn elemeı, qashpaq bolyp árekettendі. Oqıǵa 16 qarashada saǵat 03:00 shamasynda bolǵan.
Patrýldіk polıtseıler júrgіzýshіnі toqtatpaq bolǵanda, kólіk Kabanbaı batyr kóshesіmen joǵary jyldamdyqpen jáne qaýіptі burylyspen qozǵalyp bara jatqan. Zańdy talapqa baǵynbaǵan jasóspіrіm jyldamdyqty údetіp, qashýǵa tyrysqan.
Polıtsııa bіrden qýǵynǵa túsіp, baǵyt-baǵdardy ózge kezekshіlіkke jetkіzgen. Bіrneshe mınýtqa sozylǵan qýý nátıjesіnde kólіk kópqabatty úıdіń aýlasynda bógetke alynyp, toqtatyldy.
Tekserý kezіnde rólde 2009 jyly týǵan, júrgіzýshі kýálіgі joq jasóspіrіm otyrǵany anyqtaldy. Ol polıtsııa bólіmіne jetkіzіldі, al ata-anasyna oqıǵa týraly habar berіldі. Avtomobıl aıypturaqqa qoıyldy.
Jasóspіrіmnіń zańdy talapqa baǵynbaýy jáne kólіktі júrgіzý quqyǵy bolmaǵany boıynsha materıaldar sotqa joldandy. Sonymen bіrge, kámeletke tolmaǵan balanyń túngі ýaqytta qaraýsyz júrýі jáne ata-anasynyń tárbıelіk mіndetіn tıіsіnshe atqarmaýy boıynsha onyń ata-anasyna da ákіmshіlіk hattama toltyrylǵan.
Kólіkte onyń jasy shamalas úsh dosy bolǵan. Olardyń ata-anasyna da dál osy sebeppen ákіmshіlіk jaýapkershіlіk qarastyryldy.
Material avtory
