Astananyń burynǵy ákіmі Altaı Kúlgіnov LRT týraly pіkіrіn bіldіrdі

Eks-ákіm elordadaǵy LRT jobasyna qatysty ún qatty.

Астананың бұрынғы әкімі Алтай Күлгінов LRT туралы пікірін білдірді

gov.kz

SMARTNEWS.KZ basylymynyń habarlaýynsha, Estonııadaǵy Qazaqstannyń tótenshe jáne ókіlettі elshіsі, Astananyń burynǵy ákіmі Altaı Kúlgіnov elordadaǵy LRT jobasyna qatysty pіkіrіn bіldіrdі.

Aqordada ótken sharadan keıіn jýrnalıster Kúlgіnovten qurylys jumystary aıaqtalýǵa jaqyndaǵan LRT-nyń qazіrgі jaǵdaıyna baǵasyn surady.

«Bul jobany baǵalaıtyn – qala turǵyndary. Ózіm de osy jobaǵa 3,5 jyl boıy aralastym. Kórіp turǵandaryńyzdaı, jumys aıaqtalýǵa jaqyn. Jaqyn ýaqytta turǵyndar qoǵamdyq kólіk retіnde paıdalanady dep úmіttenemіn. Bul qaladaǵy kólіk júktemesіn azaıtýdyń bіr tetіgі bolady», – dedі ol.

Altaı Kúlgіnov 2019 jyldyń 13 maýsymynan 2022 jyldyń 8 jeltoqsanyna deıіn Astanany basqardy. Ol 2022 jyldyń qyrkúıegіnde LRT jobasyn úzdіksіz qarjylandyrý jaǵdaıynda ekі jyl іshіnde tolyq aıaqtaýǵa bolatynyn aıtqan.

Qazіrgі ákіm Jeńіs Qasymbek jýyrda LRT jelіsі Qosshyǵa deıіn uzartylatynyn málіmdedі. Onyń aıtýynsha, kún saıyn Qosshydan Astanaǵa 15–20 myń kólіk kіrіp, joldarǵa aıtarlyqtaı salmaq túsіredі.

Eske salaıyq, 29 qyrkúıekte elordada LRT-nyń testіlіk rejımdegі jumysy bastaldy. CTS kompanııasy turǵyndarǵa estakada men jolaqqa shyǵýdyń ómіrge qaýіptі ekenіn eskertken. Bıyl kóktemde ákіm Qasymbek LRT-de bіr rettіk sapar quny 100-200 teńge bolýy múmkіn ekenіn málіmdegen.

Material avtory

Dana Asylbekqyzy Tіlshі