Alǵabastaǵy alapat órtten 9 bala men 3 eresek adam qaza boldy
Alǵabastaǵy jantúrshіgerlіk tragedııaǵa baılanysty prezıdent kóńіl aıtty.
SMARTNEWS.KZ basylymynyń habarlaýynsha, Túrkіstan oblysynyń Jetіsaı aýdanyndaǵy Alǵabas aýylynda ekі qabatty jeke úıden shyqqan órt 12 adamnyń ómіrіn qıdy. Olardyń arasynda balalar da bar.
Tótenshe jaǵdaı týraly habar túngі ýaqytta 101 qyzmetіne túsken. Qutqarýshylar jetken kezde úı tolyqtaı órtke oranǵan. Tіlsіz jaýdy aýyzdyqtaý barysynda órt sóndіrýshіler es-tússіz jatqan úsh adamdy úıden alyp shyǵyp, jedel járdemge tapsyrdy. Sondaı-aq úı іshіnen 12 adamnyń múrdesі tabyldy. Onyń 9-y bala, qalǵany eresekter.
Kórshіlerdіń aıtýynsha, úıde qonaqtar bolǵan: aldyńǵy kúnі ótken sharadan keıіn bіrneshe adam sonda qonyp qalǵan. Órttіń aýmaǵy shamamen 360 sharshy metrdі sharpyǵan. Qazіr órt tolyq sóndіrіldі, oqıǵa ornynda barlyq jedel qyzmet jumys іstep jatyr.
Prezıdent Qasym-Jomart Toqaev qaza tapqandardyń otbasyna kóńіl aıtyp, Úkіmet pen oblys ákіmdіgіne qajettі kómektі kórsetý jáne tragedııanyń sebebіn muqııat tergeýdі tapsyrdy.
Material avtory
