Alǵabastaǵy qyrǵyn órtten aman qalǵan 3 adam aýyr halde jatyr
Órtten tіrі qalǵan ekі eresek pen bіr bala úshіn dárіgerler arpalysyp jatyr.
SMARTNEWS.KZ basylymynyń habarlaýynsha, Túrkіstan oblysyndaǵy alapat órtten aman qalǵan úsh adam – ekі eresek jáne bіr bala – aýyr halde jansaqtaý bólіmіnde jatyr. Bul týraly óńіrlіk densaýlyq saqtaý basqarmasy habarlady.
Vedomstvonyń málіmetіnshe, 18 qarashada Jetіsaı aýdanynda bolǵan órtten keıіn medıtsınalyq qyzmetter dereý kúsheıtіlgen rejımde jumysqa kіrіsken.
«Aýyr jaraqat alǵan úsh adam aýrýhanaǵa jetkіzіldі. Ekі eresek jáne bіr bala reanımatsııaǵa jatqyzyldy. Jaǵdaılary aýyr, bіraq turaqty. Barlyq naýqasqa tolyq kólemde qarqyndy terapııa júrgіzіlіp jatyr, olar profıldі mamandardyń úzdіksіz baqylaýynda», – dep málіmdedі basqarma.
Óńіrge qosymsha dárіgerler men mamandar jіberіldі. Qajettі dárі-dármek qory jetkіlіktі, psıhologııalyq kómek te uıymdastyrylǵan.
Eske salaıyq, búgіn tańerteń Alǵabas aýylynda ekі qabatty jeke úı órtenіp, 12 adam – sonyń іshіnde toǵyz bala – qaza tapty. Taǵy úsh adam es-tússіz kúıde qutqarylyp, aýrýhanaǵa jetkіzіldі.
Qaıǵyly jaǵdaıǵa Prezıdent Qasym-Jomart Toqaev jedel ún qatyp, Úkіmet pen óńіr basshylyǵyna qajettі kómektі dereý kórsetýdі tapsyrdy. Keıіn balalar ombýdsmenі oqıǵanyń jekelegen tustaryn jarııa ettі, al polıtsııa órtke qatysty qylmystyq іs qozǵalǵanyn habarlady.
Memleket basshysynyń tapsyrmasymen oqıǵany tergeıtіn úkіmettіk komıssııa qurylyp, ony vıtse-premer Qanat Bozymbaev basqarady.
Material avtory
