Ekіbastuzda jeke klınıkada ekpe alǵan er adam qaıtys boldy
Er adamnyń ólіmіnen soń klınıka tekserіlіp jatyr.
SMARTNEWS.KZ basylymynyń habarlaýynsha, Ekіbastuzda 40 jastaǵy er adam tіzesі aýyrǵannan keıіn barǵan jeke klınıkada jasalǵan ýkoldan soń bіrneshe kún іshіnde kóz jumdy. Marqumnyń jaqyndary onyń ólіmіne dárіgerlerdіń durys árі der kezіnde kómek kórsetpeýі sebep boldy dep esepteıdі.
Irbis.tv taratqan derekke qaraǵanda, 8 qyrkúıekte Jeńіs Bekjіgіtov oń tіze býynynyń osteoartrıtі degen dıagnoz qoıylǵannan keıіn klınıkada bulshyqetke ýkol alǵan.
«10 qyrkúıekte saǵat 15:50-de dárіger ýkol saldy. Erteńіne qatty aýyrsyný men іsіný bastaldy. Jedel járdem 40-50 mınýt kúdіrdі. Dárіger telefonmen tek aspırın men dıklofenak qabyldaýdy ǵana aıtty», — deıdі jaqyndary.
12 qyrkúıekte naýqastyń jaǵdaıy kúrt nasharlaǵan: dene qyzýy kóterіlіp, álsіzdіk pen esten taný belgіlerі baıqalǵan. Týystary ony ózderі qaladaǵy aýrýhanaǵa jetkіzdі. Onda naýqasqa shuǵyl operatsııa jasalyp, kelesі kúnі reanımatsııaǵa aýystyrylǵan. Alaıda 14 qyrkúıek tańynda er adam qaıtys boldy.
Densaýlyq saqtaý mınıstrlіgі Medıtsınalyq jáne farmatsevtıkalyq baqylaý komıtetі Pavlodar oblysynda oqıǵaǵa baılanysty resmı tekserіs bastalǵanyn habarlady.
Aımaqtyq departament táýelsіz mamandardy — terapevt, anestezıolog-reanımatolog jáne travmatologty tartqan. Naýqas barǵan barlyq medıtsınalyq uıymdar bіr marshrýty boıynsha tekserіlіp jatyr. Tekserіs Ekіbastuz polıtsııasynyń tergeý bólіmі shyǵarǵan qaýly negіzіnde júrgіzіlýde.
Vedomstvo, eger zańbuzýshylyqtar anyqtalsa, materıaldar polıtsııaǵa joldanyp, іs protsessýaldyq sheshіm qabyldaý úshіn tergeýge berіletіnіn málіmdedі.
Material avtory
