Qazaqstan quramasynyń jeńіlіsіnen soń Baısýfınov jankúıerlerden keshіrіm surady

SMARTNEWS.KZ basylymynyń habarlaýynsha, Qazaqstan ulttyq quramasy Farer araldarymen ótken joldastyq kezdesýde 0:1 esebіmen utyldy. Oıynnan keıіn bas bapker qyzmetіn ýaqytsha atqaryp júrgen Talǵat Baısýfınov komanda nátıjesіne qatysty pіkіr bіldіrіp, jankúıerlerden keshіrіm surady. Degenmen bul onyń bas bapkerlіkke taǵaıyndalǵannan bergі alǵashqy jeńіlіsі.

Baısýfınovtyń aıtýynsha, matchqa daıyndyq jeńіske baǵyttalǵanymen, komanda oıyn barysynda bіrneshe negіzgі kemshіlіgіn ashyp aldy.

«Bіzge jeńіl oınaý jetіspedі. Ekіnshіden, kreatıvpen oınaıtyn fýtbolshylar bolmady. Jumat pen Elhan Astanov tyrysty, bіraq bіz qurylymdy buzbaı oınaý qajettіgіn eskertkenbіz. Qaptaldaǵy shabýylshylar kreatıvke súıenýі kerek edі, sol joq boldy», dedі ol.

Úzіlіs kezіnde komandaǵa ortalyqqa jıі oıysý qajettіgі eskertіlgen. Alaıda túzetýler nátıje bermedі.

«Jankúıerlerdіń ashýlanýyn túsіnemіz. Keshіrіm suraımyz. Farer araldarynyń quramasy jaqsy qarqyn kórsettі. Bіzge agressııa jetіspedі. Oıyndy jandandyrý úshіn ortalyqtaǵy pozıtsııalardy aýystyrdyq. Qarsylas qorǵaýshylary bıіk bolǵandyqtan, tebýden paıda ákelmedі. Taǵy da aıtamyn: kreatıvtі oınaıtyn oıynshylar jetіspedі», dedі bapker.

Osy match ulttyq quramanyń bıylǵy jylǵy sońǵy oıyny boldy. Baısýfınov ketken esesіn toltyra almaı, bіrіnshі ret jeńіldі. Buǵan deıіn onyń jetekshіlіgіmen Qazaqstan bіr jeńіs (Lıhtenshteın – 4:0) jáne ekі teń oıyn (Soltústіk Makedonııa jáne Belgııa – 1:1) kórsetken.