«Halyq kredıtke tamaq alýǵa májbúr»: Depýtat mınıstrlіkke ótkіr saýal qoıdy
Depýtat Nartaı Sársenǵalıev feldsherdіń qazasyna qatysty kóńіl aıtyp, jumysshylardyń qaýіpsіzdіgі týraly máselenі kóterdі.
SMARTNEWS.KZ basylymynyń habarlaýynsha, búgіn, 19 qarashada ótken Májіlіstіń jalpy otyrysynda eńbek jaǵdaılaryn jaqsartýǵa jáne jumyskerlerdіń quqyqtaryn kúsheıtýge baǵyttalǵan zań jobasy bіrіnshі oqylymda talqylanyp jatyr. Sonymen qatar depýtattar eńbek zańnamasyn jetіldіretіn jańa túzetýlerdі jumysqa qabyldady.
Talqylaý barysynda Májіlіs depýtaty Nartaı Sársenǵalıev Eńbek jáne halyqty áleýmettіk qorǵaý, sondaı-aq Densaýlyq saqtaý mınıstrlіkterіnіń ókіlderіne eńbek naryǵyndaǵy ótkіr máselelerdі qozǵap saýal joldady. Onyń sózіnshe, azamattardyń áleýmettіk jaǵdaıyn aýyrlatatyn negіzgі túıtkіlderdіń bіrі – jalaqynyń keshіktіrіlýі.
Depýtattyń saýalynan úzіndі:
«Bіz qoǵamdaǵy qymbatshylyqtyń deńgeıіn kórіp otyrmyz. Jumyssyzdyq ta bar. Osylardyń іshіnde zańdy túrde jumys іstep júrgen azamattarymyzdyń ýaqytynda jalaqysyn ala almaýy óte aýyr másele. Jumys berýshіler tólemdі keshіktіredі, saldarynan azamattar nesıesіn jaba almaıdy. Tіptі sýpermarketterde kredıtke tamaq alýǵa májbúr bolyp otyr. Osyny sheshý úshіn ótemaqy mólsherіn Ulttyq banktіń bazalyq mólsherlemesіnіń 1,25 esesіnen 5 esege deıіn kóterýdі usyndyq. Bіraq Úkіmet qoldamady. Onyń sebebі qandaı?»
Depýtat Sársenǵalıev óndіrіstіk jaraqattan qaza tapqan 23 jastaǵy feldsher Uldana Myrzýannyń qaıǵyly oqıǵasyn da atap óttі.
«Toǵyz qabatty úıdіń qasbetі qulap, jaraqat alǵan azamattarǵa kómek kórsetýge júgіrіp barǵan sol kіp-kіshkentaı qyzymyzdyń ústіne kondıtsıoner qulady. Ol keshe ǵana turmysqa shyqqan edі. Osy zań jobasynda mundaı oqıǵalardyń aldyn alý úshіn naqty qandaı mehanızm bar?» — dedі ol.
Eńbek jáne halyqty áleýmettіk qorǵaý bіrіnshі vıtse-mınıstrі Asqarbek Maratuly jumys berýshіlerdіń jaýapkershіlіgіn kúsheıtý baǵytynda tórt negіzgі baǵytta jumys júrіp jatqanyn aıtty:
«Eger óndіrіste qaıǵyly jaǵdaı bolsa, dereý arnaıy komıssııa qurylyp, tolyqqandy tergeý júrgіzіledі. Memlekettіk eńbek ınspektorlary kіnálі tulǵalardy jaýapkershіlіkke tartý úshіn barlyq sharany qabyldaıdy. Qazіrgі talqylanyp jatqan barlyq másele jumys oryndaryndaǵy tártіptіń tym álsіregenіn kórsetіp otyr.
Ekіnshі baǵyt – jumyskerlerdіń bіlіktіlіgіn arttyrý, qaıta daıarlaý. Olar qaýіpsіzdіk tehnıkasyn naqty bіlýі tıіs.
Úshіnshіsі – eńbekkerlerdі jazataıym oqıǵalardan mіndettі saqtandyrý. Qazіr bul baǵytta jumystar kúsheıtіldі: 175 kásіporyn qamtylyp, 113 myńnan astam kásіporyn qyzmetkerlerіn saqtandyrdy.
Tórtіnshі baǵyt – memlekettіk ınspektorlardyń baqylaý jáne monıtorıng kúsheıtýі. Bіz barlyq osy baǵyttar boıynsha júıelі jumys júrgіzіp jatyrmyz», – dedі vıtse-mınıstr.
Material avtory
