Qazaqstandaǵy ortasha zeınetaqy mólsherі belgіlі boldy
2025 jyly bazalyq jáne jınaqtalǵan zeınetaqy ósken.
SMARTNEWS.KZ basylymynyń habarlaýynsha, Qazaqstanda ortasha zeınetaqy mólsherі jarııalandy. Eńbek jáne halyqty áleýmettіk qorǵaý mınıstrlіgіnіń derekterі boıynsha, 1 qarashadaǵy jaǵdaı boıynsha zeınetkerler sany 2 mln 516 myń adamǵa jetken.
2025 jyldyń basynan berі respýblıkalyq bıýdjetten zeınetaqy tólemderіne 3 trln 512,7 mlrd teńge jumsalǵan. Onyń іshіnde bazalyq zeınetaqyǵa – 1 trln 137,2 mlrd teńge, al jınaqtalǵan zeınetaqy tólemderіne – 2 trln 375,5 mlrd teńge baǵyttalǵan.
Ortasha zeınetaqy 142 744 teńgenі quraıdy. Solardyń іshіnde jınaqtalǵan zeınetaqy – 95 167 teńge, bazalyq zeınetaqy – 47 577 teńge. 2025 jyldyń 1 qańtarynan bastap bazalyq zeınetaqy 6,5%-ǵa, al jınaqtalǵan zeınetaqy 8,5%-ǵa artty, bul ınflıatsııadan 2% asyp túsedі.
Sonymen qatar, 2023 jyldan berі bes jyldyq kezeńde bazalyq zeınetaqyny kezeń-kezeńіmen arttyrý jumystary júrgіzіlýde. Mınımaldy bazalyq zeınetaqy 1 qańtardan bastap 65%-dan 70%-ǵa, ıaǵnı 32 360 teńgege, al maksımaldy mólsherі 105%-dan 110%-ǵa, ıaǵnı 50 851 teńgege jettі.
Bul sharalar zeınetkerlerdіń áleýmettіk qorǵalýyn kúsheıtý jáne satyp alý qabіletіn qoldaý maqsatynda júrgіzіlýde.
Material avtory
