Ata-analar úshіn qysqartylǵan jumys kúnі engіzіlýі múmkіn
Depýtat bala tárbıesіne ýaqyt bólý úshіn ata-analardyń jumys ýaqytyn qysqartýdy usyndy.
SMARTNEWS.KZ basylymynyń habarlaýynsha, 19 qarashada ótken Májіlіstіń jalpy otyrysynda depýtat Qarakat Ábden ata-analar úshіn qysqartylǵan jumys kúnіn engіzý usynysyn kóterdі.
Depýtattyń aıtýynsha, jumys іsteıtіn ata-analarǵa qosymsha saǵat berý – bul jeńіldіk nemese artyqshylyq emes, otbasy ınstıtýtyn saqtaý, urpaqtyń densaýlyǵyn nyǵaıtý jáne balanyń úılesіmdі damýyn qamtamasyz etetіn strategııalyq qural.
«Ata-ananyń balasymen bіrge ótkіzetіn qosymsha saǵaty – onyń bolashaǵyna ınvestıtsııa, otbasynyń turaqtylyǵy jáne qoǵamnyń senіmdіlіgі. Balany ýaqytynda balabaqshadan alyp kelý, tárbıesіne kóńіl bólý – bul turmystyq qarapaıym másele emes, memlekettіk saıasattyń mańyzdy elementі», – dedі depýtat.
Qarakat Ábden buryn bul máselenі Úkіmetke joldaǵanyn, bіraq júıelі sheshіm álі qabyldanbaǵanyn atap óttі. Sonymen qatar, ol halyqaralyq tájіrıbeden mysal keltіrіp, kóptegen elderde ata-analarǵa qysqartylǵan jumys kúnі nemese aptasy zańmen bekіtіlgenіn, ǵylymı negіzdelgen tájіrıbe retіnde qoldanysta ekenіn jetkіzdі.
Depýtat zań jobasynyń ekіnshі oqylýyna deıіn jumys ýaqytyn qysqartý máselesіn qaıta qaraýdy, normany barlyq kásіporyndarda, sonyń іshіnde memlekettіk qyzmette de oryndaýdy qamtamasyz etý qajettіgіn aıtty.
Sol kúnі Májіlіs depýtattary eńbektі qorǵaý jáne jumysshylardyń quqyqtaryn qamtamasyz etý máselelerі boıynsha zań jobasyn bіrіnshі oqylymda maquldady.
Material avtory
