«Nege Otbasy bank qyzmetkerlerі de kúdіkke іlіnbegen?»: Depýtat zańsyz qurylysqa qatysty máselenі kóterdі
Depýtat Almaty men Astanadaǵy qurylys daýlaryn prokýrorlardyń tekserýіn surady.
SMARTNEWS.KZ basylymynyń habarlaýynsha, Májіlіs depýtaty Baqytjan Bazarbek premer-mınıstr Oljas Bektenov pen Bas prokýror Berіk Asylovqa depýtattyq saýal joldap, Almaty men Astanadaǵy qurylys daýlaryn qatań baqylaýǵa alýdy surady.
Depýtat Bazarbek «Shveıtsarııa» turǵyn úı keshenіnde 150-den astam úlesker zardap shekkenіn atap, bes qabatty úılerdіń zańsyz turǵyzylǵanyn eskerttі. Ol qurylys kompanııasy qamaýǵa alynǵanyna qaramastan, «Otbasy bank» qyzmetkerlerі sot sheshіmіn elemeı turǵyndarǵa nesıe bergenіn synǵa aldy.
«Shveıtsarııa turǵyn úı keshenіnde 150-den astam úleskerdіń zardap shekkenіn bіlemіz. Olardyń bárі óz qarajattaryn qaýіpke tіgіp, sot sheshіmі boıynsha buzylýǵa tıіstі ǵımarattarǵa ınvestıtsııa salǵan. Degenmen, sumdyq paradoks bar: bul qylmystyq іske tek qurylys kompanııasynyń basshysy ǵana jazaǵa tartylǵan. Al Otbasy bank qyzmetkerlerі she? Olar dál sol ýaqytta azamattarǵa nesıe rásіmdep, sotpen bekіtіlgen sheshіmderdі aınalyp ótken, tergeýde joq. Bank qyzmetkerlerіn kіm qorǵap otyr? Olar qazіr tergeý ızolıatorynda bolýy tıіs edі», – dedі depýtat.
Sonymen qatar, «Monblan» turǵyn úı keshenі men 20 basqa keshennіń de sot sheshіmі boıynsha buzylýy qajet ekenіn, bіraq buzylmaı jatqanyn atap óttі.
Depýtat Almatydaǵy ıppodrom máselesіne de nazar aýdardy. Ol buryn Shymkenttegі ıppodromnyń qurylys kompanııasyna berіlіp, turǵyn úı keshenіne aınalǵanyn eske saldy.
«Shymkenttegі ıppodromdy burynǵy bılіk qalaı joıyp ketkenіn bárіmіz bіlemіz. Sol qatelіktі Almatyda qaıtalamaýymyz kerek. Almaty ıppodromyn da dál solaı joıyp almaıyq», – dedі depýtat.
Sondaı-aq depýtat Astanadaǵy Taldykól men Kіshі Taldykól kólderіnіń sý qorǵaý aımaqtaryna qatysty zańsyz qurylysqa da alańdaýshylyq bіldіrdі. Ol jergіlіktі atqarýshy organdardyń іs-áreketsіzdіgіn atap óttі. Ol Sý resýrstary jáne ırrıgatsııa mınıstrlіgіnіń, Astananyń ákіmdіgі men Qurylys jáne turǵyn úı-kommýnaldyq sharýashylyq іsterі komıtetіnіń zańsyz turǵyzylǵan úılerdі tekserýіn jáne sýdy qorǵaý aımaqtaryn belgіleýіn surady.
Baqytjan Bazarbek parlamenttіk baqylaýdy jeke ózі júzege asyratynyn habarlap, barlyq qajettі sharalardyń oryndalýyn talap ettі.
Material avtory
