Aqtóbede 5 balanyń anasyn jyndyhanaǵa jatqyzý іsі týraly ákіm túsіnіk berdі
Oblys ákіmі saraptamaǵa qatysty suraqtarǵa núkte qoıdy.
SMARTNEWS.KZ basylymynyń habarlaýynsha, Aqtóbe oblysynyń ákіmі Ashat Shaharov kópbalaly ananyń týystary ony psıhıatrııalyq aýrýhanaǵa kúshtep jatqyzǵany týraly daýly jaǵdaıǵa túsіnіk berdі. Bul týraly ol brıfıngte aıtty.
Jýrnalısterdіń sózіnshe, Almatyda dıagnozy rastalmaǵan osy oqıǵa óńіrdegі jalǵyz jaǵdaı emes. Aımaqta taǵy bіr azamat dál osyndaı shaǵym túsіrgen. Sol sebeptі olar psıhıatrııalyq saraptama «yńǵaısyz adamdardy» shettetý quralyna aınalyp ketpedі me degen suraq qoıdy.
Ákіm mundaı aıyptaýlardy dálelsіz dep sanaıtynyn jetkіzdі.
Shaharovtyń aıtýynsha, psıhıkalyq jaı-kúıdі baǵalaıtyn arnaıy qyzmet bar jáne sheshіm solardyń saraptamasyna súıenіp qabyldanady. Daýly oqıǵada, onyń sózіnshe, otbasynyń turǵyn úı máselesі sheshіlgen, al áıelge qatysty naqty usynystar berіlіp, qajettі protsedýralar júrgіzіlgen. Almatydaǵy sońǵy medıtsınalyq qorytyndy da onyń psıhıkalyq turǵydan saý ekenіn rastaǵan.
Sheneýnіk barlyq faktіler tekserіletіnіn, al qandaı da bіr qatelіk jіberіlse, jaýapty qyzmetkerlerge deıіn shara qabyldanatynyn aıtty.
Aqtóbedegі bul oqıǵa qoǵamda úlken reaktsııa týdyrǵan edі. Bes balanyń anasy muraǵa baılanysty týystarymen kelіse almaı, sonyń saldarynan psıhbolnıtsaǵa túskenіn aıtqan. Al onyń balalary daýly jaǵdaıdan keıіn ýaqytsha kámeletke tolmaǵandar ortalyǵyna ornalastyrylǵan.
Buǵan deıіn kópbalaly ana Almatydaǵy qaıta tekserýden keıіn psıhıkalyq turǵydan tolyq saý dep tanylyp, úıіne qaıtarylǵany habarlanǵan.
Material avtory
