RUS
Vırtýaldy júrgіzýshіge Fedha degen ataý berіlgen. Ol jelі paıdalanýshylaryna jańalyq tyńdaýdy usynady.
«Men Fedhamyn, Kýveıtte jasandy ıntellektpen jumys іsteıtіn alǵashqy júrgіzýshіmіn. Qandaı jańalyqtardy qalaısyz? Sіzdіń pіkіrіńіzdі bіleıіk»,- deıdі ol arab tіlіnde.
Kuwait Times basylymy Parsy shyǵanaǵynda 1961 jyly alǵashqy aǵylshyn tіlіndegі kúndelіktі basylym retіnde qurylǵan. 2022 jyly basylym Kuwait News agenttіgіmen bіrіktіrіldі.
Veb saıttyń bas redaktorynyń orynbasary Abdýlla Bofteın bul qadamdy jasandy ıntellekttіń «jańa ınnovatsııalyq kontent» usyný baǵytyndaǵy áleýetіn tekserý bolatynyn málіm ettі.
Ol Fedhanyń bolashaqta jańalyqtardy Twitter-den akkaýntqa jarııalaı alatyndyǵyn aıtty.
«Fedha - bul kýveıttіk tanymal esіm. Metall, kúmіs degen maǵynany bіldіredі. Bіz árqashan kúmіs jáne metall tústes robottardy bіrіktіremіz», - dedі Bofteın.
Onyń aıtýynsha, júrgіzýshіnіń ashyq tústі shashy men móldіr kózderі eldіń kýveıttіkter men sheteldіkterden qurylǵan munaıǵa baı memleket ekendіgіn bіldіredі.