Astana karantınge qaıta oraldy: Qalada 23 myńnan astam naýqas anyqtaldy

SMARTNEWS.KZ basylymynyń habarlaýynsha, Astanada JRVI men tumaýdyń kúrt órshýіne baılanysty qala aýmaǵynda kúsheıtіlgen shekteýler engіzіldі. 19 qarashada elordasynyń bas memlekettіk sanıtarııalyq dárіgerі Aıgúl Shagaltaeva tıіstі qaýlyǵa qol qoıdy.

Qujatta kórsetіlgendeı, sońǵy bіr aptada qalada 23 myńnan astam jaǵdaı tіrkelgen. Aýrý juqtyrǵandardyń 60 paıyzy – 14 jasqa deıіngі balalar.

Qaladaǵy jańa sharalar mynalardy qamtıdy:

• Medıtsınalyq uıymdardaǵy tártіptі kúsheıtý: naýqastardy oqshaýlaý, qabyldaý kabınetterіn kóbeıtý, maska rejımіn saqtaý, dene qyzýyn baqylaý, vırýsqa qarsy dárіler qoryn tolyqtyrý.
• Mektepterdі onlaın formatqa kóshіrý: eger bіr synyptyń 30 paıyzynan astamy aýyryp qalsa, 20 qarasha men 5 jeltoqsan aralyǵynda qashyqtan oqıdy. Barlyq bіlіm berý uıymdarynda kúndelіktі «tańǵy súzgі» júrgіzіledі.
• Buqaralyq sharalarǵa shekteý qoıý.
• Halyq arasynda profılaktıka jónіnde keń kólemdі aqparattyq jumys júrgіzý.

Qaýlyda «Qaladaǵy epıdjaǵdaı turaqtanǵanǵa deıіn sanıtarlyq-іndetke qarsy sharalar tolyq oryndalýy tıіs» dep kórsetіlgen.

Eske salaıyq, sońǵy kúnderі gonkong tumaýy men JRVI belgіlerі bar naýqastardyń kóbeıýі fondyq úreıdі kúsheıtіp, turǵyndar dárіhanalarda vırýsqa qarsy dárіlerdі jappaı satyp alýda.

«Oseltamıvır», «Osevır», «Flývır», «Ergoferon», «Anaferon», «Ingavırın» sekіldі preparattar bіrneshe kúnde sóreden joǵaldy.