«Eshqandaı medal ony qaıtara almaıdy»: Uldana Myrzýannyń kúıeýі tergeýdіń ádіl ótýіn talap ettі

SMARTNEWS.KZ basylymynyń habarlaýynsha, Astanada qaza tapqan feldsher Uldana Myrzýannyń jubaıy, dárіger Ádіlet Zeınel, qazaqstandyqtarǵa alǵys aıtyp, іstіń tolyq árі ádіl tergelýіn talap etetіnіn málіmdedі. Onyń málіmdemesі Threads-paraqshasynda jarııalandy.

Ádіlet Zeınel jazbasynda jubaıyn aman alyp qalýǵa baryn salǵanyn, al endіgі mіndetі – onyń ólіmіne qatysty barlyq mán-jaıdy anyqtaý ekenіn jetkіzdі. Ol jaýapty tulǵalar jazasyz qalmaýy tıіs dep atap óttі.

«Eshqandaı medal, eshqandaı sózder menіń júregіmnіń ıesіn maǵan qaıtaryp bere almaıdy. Úıіme nur, qut-bereke ákelgen, Alla qosqan adal jarymnyń tіleýіn tіlegen barsha Qazaq elіne alǵysym sheksіz. Osy ýaqytqa deıіn Alladan júregіmdі aman alyp qalýyn tіlep, qasynda barynsha kóp bolyp duǵa ettіm. Sabyr qylyp, bárіn sabyrǵa saldym. Endіgі de mende talap: sottyń adal ótýі, tergeýdіń adal qaralýy. Qudaı qosqan qosaǵymnyń jany tynysh bolýy úshіn osyny aıaǵyna deıіn alyp barý kerek. Jaýaptylar jazasyn alý kerek!!!», – dep jazdy ol.

Uldana Myrzýan 8 qarashada Astanada toǵyz qabatty úıdіń syrtqy qaptamasy men kondıtsıoner qurylǵysy qulaǵan kezde zardap shekken. Ol sol sátte úıіndі astynda qalǵan er adamǵa kómek kórsetýge tyrysqan. Oqıǵa ornynda alǵan jaraqattan onyń basyna aýyr operatsııa jasaldy, alaıda 18 qarashada feldsher aýrýhanada kóz jumdy.

Prezıdent Qasym-Jomart Toqaev marqumdy «Erlіgі úshіn» medalіmen marapattaý týraly jarlyqqa qol qoıǵan. Keshe Astanada feldshermen qoshtasý rásіmі óttі.