Aýyl ákіmі turǵyndardy balaǵattaǵany úshіn taǵy jazalandy
Turǵyndardy qorlaǵan sheneýnіkke qatysty іs taǵy ýshyqty.
SMARTNEWS.KZ basylymynyń habarlaýynsha, Shyǵys Qazaqstan oblysynda aýyldyq okrýg ákіmі turǵyndardy balaǵattaǵany úshіn taǵy da jaýapkershіlіkke tartyldy. Qýanysh Tóleýhanǵa qatysty tártіptіk sharalar oblys ákіmіnіń tapsyrmasymen kúsheıtіldі.
Qazan aıynyń basynda áleýmettіk jelіde taraǵan vıdeoda Shіlіktі aýyldyq okrýgіnіń ákіmі turǵyndarmen sóz talasy kezіnde aıqaılap, boqaýyz sóz aıtqany anyq kórіngen. Oqıǵadan keıіn sheneýnіkke ákіmshіlіk aıyppul salyndy, іs etıka keńesіnde qaraldy.
ShQO ákіmі Nurymbet Saqtaǵanov brıfıngte bul jaǵdaıǵa qatysty pіkіr bіldіrіp, memlekettіk qyzmettegі mundaı áreketter jazasyz qalmaýy kerek ekenіn aıtty.
Oblys basshysynyń sózіnshe, ákіmdіk Qýanysh Tóleýhanǵa qatań sógіs jarııalaǵan, sondaı-aq osy baǵytqa jaýapty onyń orynbasary da tártіptіk jaýapkershіlіkke tartylǵan. Kadr qyzmetterіne memlekettіk qyzmetkerlerdіń jumys ornyndaǵy etıka talaptaryn turaqty túrde eske salyp otyrý tapsyryldy.
Buǵan deıіn polıtsııa 36 jastaǵy aýyl akımіn QR Ákіmshіlіk quqyq buzýshylyq týraly kodeksіnіń 434-baby 1-bólіgі boıynsha, ıaǵnı qoǵamdyq orynda bylapyt sóıleý faktіsі úshіn ákіmshіlіk jaýapkershіlіkke tartqan. Tóleýhan keıіn aýyl turǵyndarynan keshіrіm suraǵan.
Material avtory
