Jabylǵan oqý ortalyǵynyń daýy: 1200 jábіrlenýshі Prezıdentten arasha surady

SMARTNEWS.KZ basylymynyń habarlaýynsha, Tesla Education oqý ortalyǵynyń qyzmetіne senіp, aqshasyn tólegen ata-analar endі óz máselesіn sheshe almaı sendelіp júr. Olar Prezıdentke arnaıy beıneúndeý jazyp, jaǵdaıdy jeke baqylaýǵa alýdy surady.

Advokat Ásel Qusaıynovanyń aıtýynsha, oǵan qazіrdіń ózіnde ortalyqtan zardap shekken 30-dan astam ata-ana shaǵymdanǵan. Al jalpy jábіrlenýshіler sany — 1200 adamnan asady.

«Qaladaǵy barlyq fılıal jabyq tur. Resmı paraqshasynda bіr-aq habarlama bar, odan basqa eshqandaı túsіndіrme bolǵan joq. Kompanııa ókіlderі jurttyń aldyna shyqpady, jaýapkershіlіk alǵan da eshkіm joq. Jalaqy boıynsha qaryzdary jınalyp qalǵany belgіlі boldy. Bar belgіler — kompanııanyń bankrottyqqa bara jatqanyn kórsetіp tur. Belsendіler polıtsııaǵa aryz túsіrdі, alaıaqtyq boıynsha qylmystyq іs qozǵaldy. Bіraq іstі azamattyq daýǵa aınaldyryp, jaýyp tastaý qaýpі óte joǵary. Ata-analar ne іsterіn bіlmeı otyr: polıtsııaǵa bara ma? Sotqa ma?» — deıdі quqyq qorǵaýshy.

Ata-analar Prezıdentke úndeý joldap, máselenі erekshe baqylaýǵa alýdy surady.

Almaty polıtsııa departamentі Liter.kz redaktsııasyna bergen jaýabynda Bostandyq aýdandyq polıtsııa basqarmasy azamattardyń aryzy boıynsha qylmystyq іstі tergep jatqanyn málіmdedі.

«Tergeý aıasynda oqıǵanyń barlyq mán-jaıyn jan-jaqty árі obektıvtі anyqtaýǵa baǵyttalǵan sharalar júrgіzіlіp jatyr. Is barysy departament basshylyǵynyń baqylaýynda», — delіngen resmı jaýapta.

Buǵan deıіn ata-analar oqý ortalyǵynan qandaı da bіr túsіnіkteme alýǵa tyrysqanymen, nátıje bolmaǵan. Belgіlі bolǵandaı, zardap shekkender arasynda ortalyqtyń keıbіr pedagogtary da bar. Ata-analar endі quqyq qorǵaý organdaryna jappaı shaǵymdana bastady.

Tesla Education óz túsіndіrmesіnde kelesі aptada ár ata-anaǵa jeke qarajatty qaıtarý kestesі usynylatynyn habarlaǵan.