Alǵabastaǵy órt pen feldsherdіń ólіmіne Dúnıejúzіlіk densaýlyq saqtaý uıymy nazar aýdardy
Dúnıejúzіlіk densaýlyq saqtaý uıymy Qazaqstandaǵy tragedııalardy zertteýge daıyn.
SMARTNEWS.KZ basylymynyń habarlaýynsha, Dúnıejúzіlіk densaýlyq saqtaý uıymynyń (DDU) ókіlі Qazaqstanǵa 2025 jylǵy bіrneshe qaıǵyly oqıǵadan keıіn qoldaý kórsetýge daıyn ekenіn málіmdedі. Elde 23 jasar feldsherdіń qaza bolýy men Algabas aýylynda 12 adamnyń, onyń іshіnde 9 balanyń ólіmі halyqaralyq uıymnyń nazaryn aýdardy.
Qazaqstannyń Densaýlyq saqtaý mınıstrі Aqmaral Álnazarova Instagram paraqshasynda bul oqıǵalardyń halyqaralyq uıym ókіlderіn beıjaı qaldyrmaǵanyn aıtty.
Eýropalyq bıýro basshysy Hans Klıýge feldsherdіń qyzmet kezіnde qaza bolýyna jáne balalardyń ólіmіne baılanysty kóńіl aıtýyn jetkіzdі:
«Qurmettі mınıstr, Astanada jas medıtsınalyq qyzmetkerdіń adamdardy qutqarý barysynda qaza bolǵanyna baılanysty shyn júrekten kóńіl aıtamyn. Al Alǵabas aýylyndaǵy órtten 9 kіshkentaı balany qosa, úlken otbasynyń qaza bolýy — úlken tragedııa», — dedі ol.
DDU Qazaqstanǵa qajet bolǵan jaǵdaıda kómek kórsetýge ázіr ekenіn jetkіzdі.
Aıta keteıіk, 8 qarashada Astanada toǵyz qabatty turǵyn úıdіń syrtqy qasbetі men kondıtsıonerі qulap, adamdar zardap shektі. Feldsher qutqarý jumystarynda zardap shekkenderdі shyǵarýǵa áreket jasaǵan kezde basyna kondıtsıoner qulap, aýyr jaraqat aldy. Keıіn ol qaza boldy. Prezıdent Qasym-Jomart Toqaev qaza bolǵan feldsherdі «Erlіgі úshіn» medalіmen marapattady.
Artynsha, 18 qarashada Alǵabas aýylyndaǵy ekі qabatty jeke úıde órt shyǵyp, 12 adam qaza tapty, olardyń іshіnde 9 bala bar. Úsh adam aýrýhanaǵa jetkіzіldі. Prezıdent Toqaevtyń tapsyrmasymen órt sebebіn anyqtaý úshіn úkіmettіk komıssııa quryldy. Aldyn ala derekter boıynsha, órt elektr jelіsіndegі aqaýdan týyndaǵan bolýy múmkіn.
Material avtory
