RUS
Málіm bolǵandaı, búgіn Energetıka mınıstrlіgі ǵımaratynyń aldyna ózderіn «Ózenmunaıgaz» AQ-ǵa shtatqa jumysqa alýdy talap etken 70-ke jýyq jańaózendіk jınaldy. Talap qoıýshylar «Beraly Mańǵystaý Company» kompanııasynyń burynǵy qyzmetkerlerі.
«Jınalǵandar buryn QazMunaıGazǵa enshіles «Ózenmunaıgaz» aktsıonerlіk qoǵamy úshіn munaı servıstіk qyzmet kórsetýge arnalǵan tenderden utylǵan kompanııanyń qyzmetkerlerі. Bıyl 1 sáýіrde olarǵa jalaqysy orta eseppen 700 myń teńge bolatyn basqa kompanııaǵa jumysqa ornalastyrý usynylǵan. Alaıda, «Beraly Mańǵystaý Company» kompanııasynyń burynǵy qyzmetkerlerі utylǵan tender nátıjesіnіń kúshіn joıýdy talap ettі. Osyǵan qatysty buryn jіberіlgen shaǵymdar boıynsha «Samuryq-Qazyna» qory konkýrstyq rásіmderdіń zań shegіnde oryndalýyn qaıta tekserdі. Bul turǵyda eshqandaı quqyq buzýshylyqtar anyqtalmady», - delіngen «QazMunaıGaz» kompanııasynyń saıtynda jarııalanǵan habarlamada.
Resmı derekke saı, jınalǵandardyń talaby «Ózenmunaıgazdyń» jumyskerlerdі jaldaý erejesіne sáıkes kelmeıdі. Atap aıtqanda, bul kompanııa jumyssyz Jańaózen halqyn kezek tártіbіmen qyzmetke qabyldaıdy. «QazMunaıGaz» málіmetіnshe, bul ereje osy qala turǵyndarynyń bastamasymen qabyldanǵan.
«Osylaısha, elordaǵa kelgenderdіń talaptary qabyldanǵan quqyqtyq rásіmderge qaıshy kelýіne baılanysty qaralmaıdy. «QazMunaıGaz» jınalǵandarmen kelіssózder júrgіzý úshіn arnaıy baılanys tobyn qurdy», - dep málіm ettі kompanııadan.