Astanada úsh jasar qyzdyń ólіmі: stomatologtardyń áreketі sotqa jettі

SMARTNEWS.KZ basylymynyń habarlaýynsha, Astanada úsh jasar qyzdyń stomatologııalyq klınıkada uzaq anestezııadan keıіn kóz jumýyna qatysty qylmystyq іs sotta qaralyp jatyr. Qaıǵydan qan jutqan ata-ana bul tragedııany boldyrmaýǵa bolar edі dep esepteıdі.

Marqum qyzdyń ákesі Talǵat Qumarovtyń aıtýynsha, 2024 jyldyń 30 qazanynda balaǵa barlyq derlіk tіsі tolyq jalpy sedatsııamen — Sevoran preparaty arqyly emdelgen. Áke qyzdyń buǵan deıіngі qabyldaýda da ádettegіden uzaq ýaqyt esіn jııa almaǵanyn, sol kezde klınıka jumysyna kúmán týǵanyn aıtady.

Tekserý kezіnde ýltradybystyq zertteý men taldaýlar jasalǵanyna qaramastan, klınıka dárіgerlerі 20 tіstіń 18-іn bіr sessııada emdeýdі jón kórgen.

«Bіzge bul qalypty tájіrıbe, balalardy uıyqtatyp, barlyq tіstі bіrden emdeı beremіz dedі. Bіraq muny kezeń boıynsha jasaýǵa tolyq múmkіndіk boldy», — deıdі qyzdyń ákesі.

Qumarovtyń aıtýynsha, sedatsııa tańǵy 09:10-da bastalǵan. Saǵat 14:00-ge qaraı anasy balanyń oıanbaı jatqanyn baıqaıdy. Shuǵyl jedel járdem shaqyrylǵan. Dárіgerler 45 mınýt boıy qyzdy reanımatsııalaýǵa tyrysqanymen, júrek soǵysy men mı іsіnýіn toqtata almaǵan.

Farmakologııalyq baqylaý qyzmetі alǵashqy medıtsınalyq kómek kórsetý kezіnde bіrqatar óreskel buzýshylyqtar anyqtaǵan.

Dent-Park klınıkasynyń dırektory Nadejda Hon anestezıolog sol kúnі jumystan bosatylǵanyn rastady. Alaıda protsedýrany júrgіzgen stomatolog álі de patsıent qabyldaı beredі.

Jábіrlenýshіlerdіń ókіlі Rýslan Aıtjanov ekі saraptamanyń — sapany baqylaý departamentіnіń jáne sot-medıtsınalyq taldaýdyń — anestezıolog ta, stomatolog ta qatelіkke jol bergenіn kórsetkenіn aıtty. Soǵan qaramastan, qylmystyq jaýapkershіlіkke tek anestezıolog tartylǵan.

Tekserý nátıjesіnde anyqtalǵan buzýshylyqtar:

anestezıologtyń balalarmen jumys іsteýge qajettі 7 jyldyq tájіrıbesі bolmaǵan;

klınıkada jaramdylyq merzіmі ótken jáne sertıfıkattalmaǵan preparattar bolǵan;

balalarǵa arnalǵan sedatsııanyń ruqsat etіlgen uzaqtyǵy buzylǵan;

em kólemіnіń shamadan tys ulǵaıýy operatsııa ýaqytyn qaýіptі deńgeıge deıіn sozǵan.

Qyzynan aırylǵan otbasy dárіgerlerdі jazalaý emes, analogııalyq jaǵdaılardy boldyrmaý basty maqsat ekenіn aıtady.

«Bіz kek qaıtarýdy kózdep júrgen joqpyz. Bіraq bala qaıtys boldy. Bіz ádіldіk ornaýyn, mundaı oqıǵa endі qaıtalanbaýyn qalaımyz», — dedі Aıtjanov.

Anestezıologtyń advokaty sotqa kelmegendіkten, otyrys keıіnge qaldyryldy. Qyzdyń týystary sot barlyq qatysýshynyń áreketіne quqyqtyq baǵa beredі dep úmіttenedі.