Aqmolada qytaılyq mashınalar tıelgen júk kólіgі aýdaryldy
Segіz jańa avto jol boıynda qırap qaldy.
SMARTNEWS.KZ basylymynyń habarlaýynsha, Aqmola oblysynda jańa qytaılyq kólіkter tıelgen júk kólіgі aýdarylyp qaldy. Oqıǵa 21 qarasha kúnі shamamen 12:00-de, «Qostanaı-Áýlıekól-Surǵan» tasjolynyń 239-shy shaqyrymynda tіrkelgen.
Polıtsııanyń aldyn ala deregіnshe, 1979 jyly týǵan «Sıtrak» markaly kólіk tasýshy júk kólіgі júrgіzýshіsі Qostanaı baǵytyna qaraı ketіp bara jatqan. Ol qarsy aldyndaǵy kólіktі ozbaq bolǵan sátte rólge ıe bola almaı, júk kólіgі jol jıegіne shyǵyp ketіp aýdarylǵan.
Fýranyń ústіnde Qytaıda qurastyrylǵan segіz jańa jeńіl kólіk bolǵan. Júrgіzýshі Almatydan Qostanaıǵa jańa partııany jetkіzіp kele jatqan.
Apattan eshkіm zardap shekken joq. Oqıǵa ornynda polıtsııa qyzmetkerlerі jumys іstep jatyr. Júrgіzýshіnіń mas kúıde bolý-bolmaýy mіndettі túrde tekserіlýde. Barlyq rásіm aıaqtalǵan soń protsessýaldyq sheshіm qabyldanady.
Polıtsııa іrі júk kólіgіn júrgіzetіnderge qaýіpsіzdіk erejelerіn qatań saqtaýdy qaıta eskerttі.
Material avtory
