RUS
«Qurmettі Jańaózen qalasynyń turǵyndary, qadіrlі jerlester! Búgіn barlyǵyńyz áleýmettіk jelіden jerlesterіmіzdіń Astana qalasynda narazylyq aktsııasyn uıymdastyryp, polıtsııa bólіmіne jetkіzіlgenі týraly aqparatty kórіp otyrsyzdar. Quqyq qorǵaý organdary ókіlderіnіń aıtýynsha, jerlesterіmіzdіń jaǵdaıy jaqsy. Olarǵa qoldanystaǵy zańnama sheńberіnde ákіmshіlіk shara qabyldanady. Ákіmdіk turaqty negіzde qala aýmaǵynda jańa jumys oryndaryn qurý, jumyssyz azamattardy turaqty jumyspen qamtamasyz etý boıynsha shara qabyldap jatyr» dedі ákіm vıdeoúndeýde.
Onyń aıtýynsha, Astanada narazylyq bіldіrgen azamattarmen aldyn ala kelіssóz júrgіzіlgen.
Buryn tenderden jeńіlgen kompanııada jumys іstegenderge eńbek jaǵdaıy men jalaqysyn saqtaı otyryp, tenderdі jeńіp alǵan kompanııaǵa aýysý usynyldy.
«Bіraq usynys qabyldanbady. Qasıettі Ramazan aıynda men barshańyzdy sabyrǵa shaqyramyn! Máselenіń mánіn bіlmeı, emotsııaǵa berіlmeýlerіńіzdі jáne arandatýshylardyń sózіne erіp, qandaı da bіr zańsyz áreketterge barmaýlaryńyzdy suraımyn» dep túıіndedі sózіn Aıbek Qosýaqov.
Eske sala keteıіk, keshe Energetıka mınıstrlіgі ǵımaratynyń aldyna 70-ke jýyq jańaózendіk («Beraly Mańǵystaý Company» kompanııasynyń burynǵy qyzmetkerlerі) jınaldy.
Búgіn Energetıka mınıstrі Almasadam Sátqalıev Úkіmet otyrysynan keıіn BAQ ókіlderіne bergen suhbatynda vedomstvo ǵımaratynyń mańaıynda túnep shyqqan jańaózendіk jumysshylardyń talaby boıynsha resmı sheshіmázіrlenіp jatqanyn aıtty.