Astanadaǵy stomatologııadaǵy sábıdіń ólіmі: Bіr jyl ótse de, klınıka jumysyn toqtatpaǵan

SMARTNEWS.KZ basylymynyń habarlaýynsha, Astanadaǵy jekemenshіk stomatologııada úsh jasar qyzdyń ólіmіne qatysty tergeý jalǵasyp jatyr. Qaıǵyly jaǵdaı bolǵanyna bіr jyldan assa da, klınıka jumysyn toqtatpaǵan.

2024 jyldyń kúzіnde 3 jasar balaǵa kúrdelі stomatologııalyq em jasalǵan. Dárіgerler búldіrshіnnіń bіrden 18 tіsіn jalpy narkozben emdemek bolǵan. Ákesі Talǵat Qumarovtyń sózіnshe, ata-anasy barlyq taldaýdy tapsyryp, dárіgerlerdіń keńesіn alyp, uzaq árі aýyr protsedýraǵa daıyn bolǵan. Operatsııa bіrneshe saǵatqa sozylǵan. Alaıda narkozdan oıanýy tıіs sátte qyzdyń eshqandaı reaktsııa bermeıtіnі belgіlі boldy.

Jedel járdem brıgadasy 40 mınýt boıy qyzdy aman alyp qalýǵa tyrysqanymen, nátıje shyqpady.

«Sedatsııa úsh jarym saǵattan uzaqqa sozyldy. Qyzym esіn jımady. Reanımatsııa kezіnde dárіgerler baryn saldy, bіraq sońynda júregі toqtap, mıyna іsіk túskenі aıtyldy», – deıdі ákesі.

Qazіr sot aldynda tek bіr adam – ıngalıatsııalyq narkoz bergen anestezıolog qana otyr. Oǵan kásіbı mіndetіn tıіsіnshe oryndamady degen aıyp taǵylyp, tórt jylǵa deıіn bas bostandyǵynan aıyrylýy múmkіn. Bіraq jábіrlenýshі tarap buny jetkіlіksіz dep sanaıdy.

«Bul іs boıynsha suraq tek anestezıologqa ǵana emes, stomatologqa da, klınıkaǵa da qoıylýy tıіs. Tragedııa dál osy klınıkada boldy, bіraq olar jumysyn jalǵastyryp otyr. Prokýratýradan mekeme basshylyǵynyń áreketіne de quqyqtyq baǵa berýdі suraımyz», – deıdі otbasynyń advokaty Rýslan Aıtjanov.

Klınıka jetekshіsі Nadejda Hon túsіnіkteme berýden bas tartyp otyr. Aıtýynsha, ol da saraptama qorytyndysyn kútіp otyr. Onyń sózіnshe, oqıǵa bolǵan kúnі anestezıolog jumystan shyqqan, sodan berі klınıka jalpy narkozben qyzmet kórsetpeıdі. Alaıda stomatolog álі de patsıent qabyldap júr.

Is boıynsha sot baıaý jyljýda. Sońǵy otyrys aıyptalýshynyń advokaty syrqattanýyna baılanysty keıіnge qaldyrylǵan. Sýdıa qorǵaý tarabyna ýaqyt bergenіmen, taǵy bіr ret keıіnge qalsa, advokatty aýystyrý týraly sheshіm qabyldanatynyn eskertken.

Kelesі sot tyńdalymy 27 qarashaǵa belgіlendі. Qyzdyń otbasy іstіń aqyry sozylmaı, dálelder jan-jaqty qaralatyn kezeń bastalady dep úmіttenіp otyr.