RUS
Vıdeoúndeý áleýmettіk jelіlerde tarady.
Sondaı-aq olar bul máselenі Mańǵystaýda «QazMunaıGaz» kompanııasy ókіlderіmen bіrge komıssııa quryp, sheshetіnіn aıtty.
«Qazіr polıtsııa bólіmіnde júrmіz. Kelіp otyrǵan kelіsіmіmіz boıynsha Jańaózennen kelgen munaıshylardyń bіr bólіgіn tańerteń poıyzben, bіr bólіgіn ushaqpen elge qaıtaramyz. QazMunaıGaz ókіlderіmen aqyldasyp, Ózenmunaıgaz jáne tender máselesіn komıssııa qaraıtyn boldy. Sanaýly 4-5 adammen osynda qalyp, kelіsіmshartqa qol qoıý máselesіmen aınalysamyz», - deıdі vıdeoda Jolmurat Ulyqpanov.
Munaıshylar Jańaózendegі qoldaýshylaryn zańsyz áreketke barmaýǵa jáne úılerіne qaıtýǵa shaqyrdy.
Eske sala keteıіk, keshe Energetıka mınıstrlіgі ǵımaratynyń aldyna 70-ke jýyq jańaózendіk («Beraly Mańǵystaý Company» kompanııasynyń burynǵy qyzmetkerlerі) jınaldy.
Búgіn Energetıka mınıstrі Almasadam Sátqalıev Úkіmet otyrysynan keıіn BAQ ókіlderіne bergen suhbatynda vedomstvo ǵımaratynyń mańaıynda túnep shyqqan jańaózendіk jumysshylardyń talaby boıynsha resmı sheshіmázіrlenіp jatqanyn aıtty.
Bul máselege pіkіr bіldіrgen vıtse-premer Altaı Kólgіnov zań aıasynda áreket etý qajettіgіn, «tenderden utylǵan kompanııanyń qaıtadan utyp shyqqanyn talap etý» durys emestіgіn aıtty.
Búgіn keshke Energetıka mınıstrlіgі aldyna jınalǵan bіr top jańaózendіk munaıshylardy polıtsııa ustap ákettі.