Reseıdіń túngі shabýyldarynan Harkovke tórt adam qaza tapty
Shabýyl kezіnde jaralanǵan 17 adamnyń іshіnde ekі bala tіrkeldі.
SMARTNEWS.KZ basylymynyń habarlaýynsha, Harkovte Reseıdіń drondarymen jasalǵan túngі shabýyl kemіnde tórt adamnyń ómіrіn qıdy. Taǵy 17 turǵyn jaralandy. Aımaqqa bіr túnde 16 soqqy jasalǵany habarlandy.
Harkov oblystyq áskerı ákіmshіlіgіnіń basshysy Oleg Sınegýbovtyń málіmetіnshe, Reseı qarýly kúshterі 24 qarashaǵa qaraǵan túnі «Geran-2» tıptі soqqy drondaryn jappaı qoldanǵan. Dron shabýyly negіzіnen Shevchenko jáne Saltov aýdandaryndaǵy jeke úılerge baǵyttalǵan.
Aldyn ala derek boıynsha, kóz jumǵandar – 61 jáne 41 jastaǵy áıelder men 55 jastaǵy er adam. Keıіn qutqarýshylar úıіndі astynan taǵy bіr adamnyń denesіn tapty. Jaralanǵan 17 turǵynnyń arasynda ekі bala bar: 12 jastaǵy ul — shyny synyqtarynan jaralanǵan, 11 jastaǵy qyz — qatty kúızelіs alǵan.
«Úıler qatty qıraǵan. Qutqarýshylar ár páterdі aralap, úıіndі astynda adamdar qalmaǵanyna kóz jetkіzіp jatyr», — dedі Sınegýbov.
Qala merі Igor Terehov ta jaǵdaıdy baqylap otyrǵanyn aıtyp, qaza tapqandar sanynyń artqanyn rastady.
Material avtory
