«Ár otbasyǵa baqyt» dep aldaǵan «ELL QUATY» qarjy pıramıdasynyń qyzmetі toqtatyldy
Turǵyn úı ýádesіmen sendіrgen kooperatıvtіń qupııasy áshkere boldy.
SMARTNEWS.KZ basylymynyń habarlaýynsha, QMA-nyń Abaı oblysy boıynsha departamentі tutyný kooperatıvі retіnde jasyrylǵan «ELL QUATY» qarjy pıramıdasynyń qyzmetіn toqtatty.
Tergeý deregіnshe, uıymdastyrýshylar azamattardy «HALYK QUATY» atty kooperatıvke múshe bolýǵa úgіttep, páter men avtokólіktі paıyzsyz bólіp tóleýge bolady dep sendіrgen. Ol úshіn adamdardan paı jarnalaryn engіzýdі talap etken.
Júıe halykquaty.kz saıty men áleýmettіk jelіler arqyly belsendі jarnamalanyp, «Ár otbasyǵa baqyt!» degen urandy paıdalaný arqyly ózіn «halyqtyq kooperatıv» retіnde kórsetýge tyrysqan. Sonymen qatar «HALYK» taýarlyq belgіsіn zańsyz qoldanǵany úshіn ákіmshіlіk jaýapkershіlіkke tartylǵannan keıіn ataýyn «ELL QUATY» dep ózgertken.
Jańa salymshylardy tartý úshіn túrlі marketıngtіk aktsııalar jasalǵan. Tіptі uıym basshylyǵy «Solnechnaıa Týrtsııa» dep atalatyn týrıstіk joldamalardy utysqa qoıyp, kópshіlіktі sendіrýge tyrysqan.
Tergeý málіmetіnshe, qarjyny «zańdy aınalym» etіp kórsetý úshіn uıymdastyrýshy óz atyna «QAZ INFO MARKET» JShS tіrkep, salymshylardan túsken qarajatty osy kompanııanyń atynan «kásіbı jáne tehnıkalyq qyzmetterdіń tólemі» retіnde shyǵarǵan. Alaıda mundaı qyzmetter іs júzіnde kórsetіlmegenі anyqtaldy.
Jalpy, pıramıdaǵa 1,5 myńnan asa adam tartylyp, olardyń salymy 6,8 mlrd teńgege jetken. Uıymdastyrýshy qamaýǵa alyndy. Tergeý jalǵasyp jatyr. QR QPK-nіń 201-babyna sáıkes ózge málіmetter jarııalanbaıdy.
Material avtory
