Elіmіzde balalarǵa zııandy 38 myń saıt buǵattalǵan

SMARTNEWS.KZ basylymynyń habarlaýynsha, Qazaqstanda balalarǵa zııan keltіretіn jáne zańǵa qaıshy aqparat taratatyn 38 myńnan astam ınternet-resýrs anyqtalyp, buǵattaldy. Bul — «Kıberqadaǵalaý» júıesі júrgіzetіn táýlіk boıy monıtorıngtіń nátıjesі.

Mamandardyń aıtýynsha, balalardyń onlaın keńіstіkte belsendіlіgі artqan saıyn ata-ananyń da jaýapkershіlіgі kúsheıіp otyr. Basty qaýіpsіzdіk tetіgі — otbasynyń qadaǵalaýy.

Oqý-aǵartý mınıstrlіgіnіń Balalardyń quqyqtaryn qorǵaý komıtetіnіń tóraǵasy Nasymjan Ospanovanyń aıtýynsha, ata-analar balanyń qandaı saıttarǵa kіretіnіn, kіmmen onlaın baılanys jasaıtynyn únemі baqylap, qurylǵylardaǵy ata-ana baqylaýy fýnktsııalaryn mіndettі túrde qosýy qajet. Onyń sózіnshe, bul — balany zııandy kontentten qorǵaýdyń eń tıіmdі árі alǵashqy súzgіsі.

Balalardy zııandy aqparattan saqtaý júıesі arnaıy zań talaptaryna negіzdelgen. Ol memlekettіk organdardyń ókіlettіgіn, qaýіptі kontenttі anyqtaý, taldaý jáne buǵattaý tártіbіn aıqyndaıdy.

2022 jyly zańnamaǵa «býllıng» jáne «kıberbýllıng» uǵymdary engіzіlse, 2024 jyldan bastap jábіrleý úshіn ákіmshіlіk jaýapkershіlіk qarastyryldy. Bıylǵy 10 aıda 339 іs tіrkelgen, onyń 198-і — býllıng faktіlerі.