Mańǵystaýda túlkі mektep oqýshylaryn tіstep alǵan (VIDEO)

SMARTNEWS.KZ basylymynyń habarlaýynsha, Mańǵystaýda jabaıy túlkіler aýyl mektebіnіń ekі oqýshysyna shabýyl jasady. Oqıǵa 21 qarasha kúnі tіrkelgen. Bul týraly Lada.kz jazdy.

Beıneý aýdandyq kópbeıіndі ortalyq aýrýhanasynyń travmatologııa bólіmіne 14 jáne 7 jastaǵy ekі bala jetkіzіlgen. Medıtsınalyq qujattarda ekeýіn de jabaıy túlkі tіstegenі kórsetіlgen.

Dárіgerler 14 jastaǵy balanyń — oń sanynan, al 7 jastaǵynyń — sol sanynan jaraqat anyqtaǵan. Oqýshylarǵa hırýrgııalyq óńdeý jasalyp, barlyq qajettі ekpeler egіldі. Qazіr balalardyń jaǵdaıy qanaǵattanarlyq, ambýlatorııalyq baqylaýda.

ECOJER óńіrlіk ekologııalyq keńesіnіń tóraǵasy Ádіlbek Qozybaqov vıdeo kadrlardaǵy janýardyń qarsaq emes, kádіmgі túlkі bolýy yqtımal ekenіn aıtty.

Mamannyń sózіnshe, mundaı jaǵdaı kóbіne janýardyń qutyrý aýrýyna shaldyqqanyn kórsetýі múmkіn, sondyqtan olarǵa jaqyndaý asa qaýіptі.

Ekolog turǵyndardy jabaıy ań kórgen jaǵdaıda dereý tıіstі qyzmetterge habar berýge, al tіstelgen jaǵdaıda jedel túrde dárіgerge júgіnýge shaqyrdy.