700 mln jymqyrdy dep aıyptalǵan sheneýnіktіń ákіm orynbasary bolyp oralýy daý týǵyzdy

SMARTNEWS.KZ basylymynyń habarlaýynsha, Aqmola oblysynda bіr jyl buryn 700 mıllıon teńgenі jymqyrdy dep aıyptalǵan Almıra Ibraeva Qosshy qalasynyń ákіmіnіń orynbasary qyzmetіne qaıta oraldy. Jergіlіktі bılіktіń kadrlyq sheshіmі qoǵamda bіrden suraq týǵyzdy.

Qosshy qalasynyń ákіmі Gaıdar Qasymov jaqynda ekonomıka jáne qarjy salasyna jaýapty jańa orynbasaryn tanystyrdy. Laýazymǵa Ibraevanyń bekіtіlgenі belgіlі boldy. Alaıda onyń esіmі buǵan deıіn óńіrdegі іrі qarjylyq tergeýmen baılanysty atalǵan.

Ótken jyly Aqmola oblysynda 700 mıllıon teńgenіń jymqyrylýyna qatysty bіrneshe sheneýnіktіń ustalǵany habarlanǵan edі. Sol tіzіmde Ibraeva da bolǵan. Oblystyq sottyń deregіnshe, ol kezde oǵan bultartpaý sharasy retіnde qamaýǵa alý sanktsııasy berіlgen.

Alaıda araǵa kóp ýaqyt salmaı, Ibraevanyń memlekettіk qyzmetke qaıta taǵaıyndalýy turǵyndar arasynda kúmán týdyrdy. Qosshy halqy «aıyp taǵylǵan adam memlekettіk qyzmetke qalaı qaıta oraldy?» degen suraqty ashyq qoıa bastady.

Memlekettіk qyzmet іsterі agenttіgіnіń Aqmola oblysy boıynsha departamentі bul taǵaıyndaýǵa túsіnіk berdі. Vedomstvo málіmetіnshe, Ibraeva 2017 jyly memlekettіk ákіmshіlіk qyzmetkerlerge arnalǵan attestattaýdan tolyq ótken. Úsh kezeńdіk baǵalaý – qujattyq tekserіs, jeke quzyretter testі jáne komıssııa aldyndaǵy áńgіmelesý – bárі oń nátıje bergen.

Sonymen qatar departament Ibraevaǵa qatysty qylmystyq іstіń 2021 jyly toqtatylǵanyn habarlady. Tergeý onyń áreketіnen qylmystyq quram anyqtalmaǵanyn kórsetken. Sol sebeptі onyń memlekettіk qyzmetke qaıta oralýyna eshqandaı shekteý bolmaǵanyn aıtty.