Jambylda áskerı qyzmetker kózі janarynan aıyryldy

SMARTNEWS.KZ basylymynyń habarlaýynsha, Jambyl oblysynda áskerı qyzmetker ant qabyldaý rásіmі kezіnde aýyr jaraqat alyp, bіr kózіnen aıyryldy. Oqys oqıǵa jas sarbazdardyń saltanatty sharasynda bolǵan. Zardap shekken Jaqsylyq Moldaquldyń týystary bul jaǵdaıdy «qabaǵy jarylǵan» dep jyly jaýyp qoımaq boldy dep ashynyp otyr. Al ózі basshylyqtyń tapsyrmasymen basyna bótelke syndyrylǵanyn aıtady. Bul týraly Informbıýro baǵdarlamasy jetkіzdі.

Taýly-egerlіk polkte ótken qabyldaý rásіmіnde sarbazdardyń jіgerіn kórsetý úshіn arnaıy shoý uıymdastyrylǵan: ottan sekіrý, jekpe-jek elementterі jáne áskerı qyzmetkerdіń basynda bótelke jarý. Daıyndyǵy joq bolǵandyqtan, 24 jastaǵy jaýynger soqqydan keıіn bіrden eseńgіrep qalǵany vıdeodan anyq baıqalady.

Jábіrlenýshіnіń týystarynyń aıtýynsha, qaýіpsіzdіk talaptary saqtalmaǵan.

Tańsholpan Aınabektіń sózіnshe, mundaı kórsetіlіmge qatysýǵa jaýyngerdіń jazbasha kelіsіmі qajet, alaıda ol qujatqa qol qoıylmaǵan.

Jaqsylyqtyń anasy Gúlzıra Baıqonysova jalǵyz ulynyń bolashaǵyna alańdap otyr. Tórt jyldan berі kelіsіmshartpen qyzmet etіp júrgen azamat úıdіń jalǵyz asyraýshysy bolǵan. Ol endі áskerı qyzmetke jaramaı qalýy múmkіn, al ózgege qaı jumysqa qabіlettі bolatyny belgіsіz.

Jaraqat alǵan áskerı qyzmetker janarynan aıyrylǵanyn ózі bіrden bіlmegen. Dárіgerler psıhologııalyq soqqy bolmas úshіn onyń jaǵdaıyn jumsartyp túsіndіrgen. Jambyl oblystyq oftalmologııalyq ortalyǵynyń mamandary qarashyǵy aǵyp ketken kózge shuǵyl operatsııa jasalǵanyn aıtty.

Jansaıa Sydyqovanyń aıtýynsha, operatsııa kózdі aǵzalyq turǵyda saqtap qalý úshіn jasalǵan. Ekіnshі kózge qaýіp tónbeýі úshіn uzaq merzіmdі em jalǵasyp jatyr.

Áskerı bólіm basshylyǵy ázіrge ony múgedektіk sanatyna qosýdy erte dep otyr. Medıtsınalyq saraptama qorytyndysynan keıіn qajet bolsa, barlyq qoldaý kórsetіletіnі aıtyldy.

24 jastaǵy jіgіttіń anasy qorǵanys mınıstrlіgіne resmı túrde júgіnýdі josparlap otyr. Onyń talaby – oqıǵanyń tolyq zerttelýі jáne ulyna naqty kómek kórsetіlýі.